Túrkııadaǵy prezıdent saılaýynda Erdoǵan jeńiske jetti

Túrkııadaǵy prezıdent saılaýynyń ekinshi kezeńinde Rejep Taıyp Erdoǵan jeńiske jetti. Bul týraly Túrkııa Ortalyq saılaý komıssııasynyń tóraǵasy Ahmet Iener habarlady.

"Túrkııadaǵy, sheteldik ókildikter men shekara beketterindegi saılaý ýchaskelerin qosqanda jalpy sany 99,43 paıyz bıýlleten sanaldy. Rejep Erdoǵan –52,14 paıyz, Kemal Kylychdaroglý – 47,86 paıyz daýys jınady. Aldyn ala málimetterge sáıkes, Rejep Taıyp Erdoǵan – Túrkııanyń jańa prezıdenti bolyp tańdaldy", - dedi Iener baspasóz maslıhatynda.

Anadolu agenttiginiń málimetinshe, prezıdent saılaýynyń ekinshi kezeńinde Rejep Erdoǵan - 52,17 paıyz; Kemal Kylychdaroglý– 47,85 paıyz daýys jınaǵan.

Erdoǵanǵa 27,6 mıllıon adam, Kylychdaroglýǵa 25,4 mıllıon adam daýys bergen. Saılaýdyń ekinshi kezeńine saılaýshylardyń 85,63 paıyzy qatysqan.

Alaıda Kemal Kylychdaroglý Ankarada sóılegen sózinde "bul saılaý Túrkııa tarıhyndaǵy eń ádiletsiz saılaý boldy" dep málimdep, demokratııa úshin kúrese beretinin aıtty.

Eske sala keteıik, Túrkııada prezıdent saılaýynyń birinshi kezeńi 14 mamyrda ótken bolatyn. Prezıdent saılaýyna Erdoǵan men Kylychdaroglýmen qatar "Atatúrikshiler alıansynan" Sınan Ogan da qatysty.