"MIB ókilderin daıarlaıtyn ortalyq ashý kerek": Almatyda Qoǵamdyq palatanyń kóshpeli otyrysy ótti

Almatyda Májiliste Qoǵamdyq palatanyń kóshpeli otyrysy ótti. Keńeste menshik ıeleri birlestikteriniń máseleleri talqylandy. Atalǵan jıyn barysynda birqatar usynystar aıtylyp, MIB ókilderiniń shaǵymdary tyńdaldy. Jıynǵa depýtat Aıdos Sarym qatysty. 

Aıdos Sarym Qoǵamdyq palatanyń jumys jospary bekitilgenin aıtyp ótti. 

"Eki máseleni negizge aldyq. Eń aldymen qoǵamdyq palata Májiliske kelip túsetin zańdardy talqylap, soǵan usynystar daıyndaý úshin jasaqtalǵan. Al ekinshi másele qoǵamda qyzý talqylanyp jatqan ózekti degen máselelerdiń naqty iske asý barysyn talqylaý degen kelisimke kelgen bolatynbyz. Qazirgi kúıip turǵan, ózekti máselelerdiń biri - turǵyn úı máselesi. Bul máseleni sheshý biz úshin óte mańyzdy. Aldaǵy ýaqytta qys mezgili kelgende de daıyndyq, ázirlik kerek bolady. Sol sebepti de osynyń bárin eskere otyryp osy usynysty qabyldadyq", dedi Aıdos Sarym. 

Depýtat mundaı jıyndy Astana qalasynda da ótkizýi múmkin ekenin de aıtty. 

"Kóbisi úıdi jóndeýge, ystyq sýdyń, sýyq sýdyń, jylýdyń bolmaýyna shaǵymdanady. Sonymen qatar, halyq pen MIB ókilderiniń jumysyn jaqsartý maqsatynda qala telefondaryna arnaıy baǵdarlama ornatylady. Sonda MIB jumysy ońaıyraq bolar edi. Bul sonymen qatar jaýapty oryndarǵa dereý ótinish berýge jáne máseleni sheshýge múmkindik beredi. Turǵyndar bot arqyly suraqtar qoıady jáne jaýap ala alady", - deıdi MIB ókili Arkadıı Rýbakov. 

Almaty qalasy Qoǵamdyq keńesiniń tóraǵasy Altynaı Kýbeeva SIB ókilderin daıarlaý ortalyǵyn ashý qajettigin atap ótti.

"Búginde turǵyndardyń MIB múshelerine qatysty kóptegen talaptary bar. Atap aıtqanda, tarıfterdiń negizsiz ósýi, jınalystar ótkizbeı qarajat jınaý, kooperatıvterdiń keıbir obektileriniń qujattarynyń normatıvtik-quqyqtyq aktilerge sáıkes kelmeýi áli de tómendep jatqan joq. Alaıda, máseleni sheshý úshin qarqyndy jumys júrgizilýde. Meniń oıymsha, MIB tóraǵalaryn, qarapaıym seriktestikterdi, qamqorshylardy jáne osy saladaǵy basqa da mamandardy qaıta daıarlaý qajet. Jyl saıyn biliktilikti arttyrý qajet. Sebebi halyqtyń tólemderin durys ıgere almaıtyn bilikti emes mamandar jelmen taraıdy", - dep esepteıdi Altynaı Kýbeeva.