Salyqshylar qaıtys bolǵan azamattarǵa da zańsyz salyq salǵan

Bas prokýratýranyń qoǵamdyq múddelerdi qorǵaý qyzmetiniń bastyǵy Marat Ábishev salyq salýshylar kóbine zańsyz aıyppul salatynyn málimdedi. 

Onyń aıtýynsha, ótken jyly  7 000 bıznes sýbektisi 1,3 mlrd  zańsyz aıyppuldan bosatylǵan. 2023 jyly bul jumys jalǵasyp, tórt aıda 560 mln zańsyz salyq salynǵany anyqtalǵan.

"Zań buzýshylyqtardy kóbine salyq organdary, polısııa jáne jergilikti atqarýshy organdardyń qyzmetkerleri jasaıdy. Olar ákimshilik quqyq buzýshylyq oryn almaǵanyna qaramastan bıznesti jaýapqa tartady", – dedi Marat Ábishev.

Sondaı–aq, ol salyq salý týraly buıryqtardy zertteý nátıjesinde anyqtalǵan zań buzýshylyqtardy da ashyp aıtty.

"Salyq salý týraly buıryq tek jeke tulǵalarǵa qatysty shyǵarylýy tıis. Ol negizinen tabys salyǵy, kólik jáne múlik salyǵy boıynsha salynady. Biz mundaı buıryqtar zańsyz jolmen jeke kásipkerlerge, múgedekterge, tipti, qaıtys bolǵan azamattarǵa da shyǵarylǵanyn anyqtadyq. Zertteý nátıjesinde 21 myń buıryq joıyldy", - dep málimdedi Ábishev.