SQO–da orys mektepter sany qazaq mektepterinen eki ese kóp

SQO–da qazaq tilinde bilim alatyn oqýshylar sany oryssha oqıtyndardan 4 ese az. Bul týraly Májilis depýtaty Nartaı Aralbaıuly málimdedi.

Depýtattyń dereginshe, Soltústik Qazaqstan oblysynda 454 mektep bar:

112 – qazaq mektebi

246 – orys mektebi

96 – aralas mektep

"Soltústik Qazaqstan oblysynda 72360 oqýshy bar. Onyń ishinde tek 18447 oqýshy qazaq tilinde bilim alady" – dep jazdy Nartaı Aralbaıuly.

Eske sala keteıik, sońǵy ýaqytta SQO–da bir top adam separatıstik árketpen de kózge túsken bolatyn. Jýyrda Petropavlda bir top orys tildi qazaqstandyqtar ózderin "Qazaqstannan táýelsizbiz" dep jarııalaǵan bolatyn. Júrgizilgen saraptama nátıjesinde olardyń sózderinde "Qazaqstannyń aýmaqtyq tutastyǵyn buzýdy nasıhattaý" belgileri bar ekeni anyqtalǵan edi.

Derekkóz: Ulysmedia.kz