Foto: Ashyq derekkóz
Aqtóbe soty Ahmet Sársenǵalıev, Almıra Kývatova, Aınagúl Túbetova jáne Baýyrjan Maratulyn "beıbit jıyn ótkizý tártibin buzdy" dep aıyptady.
Aınagúl Túbetova 241 500 teńge, Almıra Kývatova men Baýyrjan Maratuly 172 500 teńge kóleminde aıyppul tóleýi tıis. Al Ahmet Sársenǵalıev tórt táýlikke qamaýǵa alyndy.
Sot materıalyna sáıkes, aıyptalýshylar WhatsApp messendjeri arqyly halyqty vızasyz rejımge qarsy mıtıngke shaqyrǵan. Alaıda belsendiler ózderine taǵylǵan aıyptardy moıyndamady.
Eske sala keteıik, Qytaıda Astana men Pekın arasynda 30 kúndik vızasyz rejım engizý týraly kelisimge qol qoıylǵan. Dál osy kúni túrli aımaqta belsendiler qysym men qýdalaýǵa ushyraǵandaryn aıtqan. Almatyda tirkelmegen "Naǵyz Atajurt" basshysy Bekzat Maqsuthanuly 15 kúnge qamaldy. Facebook-tegi Human Rights Atajurt uıymynyń paraqshasynda 10 nan astam belsendi polısııa qysymyna ushyraǵanyn habarlaǵan.
Al ishki ister mınıstrliginiń baspasóz qyzmeti "Qytaımen vızasyz rejım boıynsha naqty qansha adam ustalǵany jóninde aqparat bilmeıtinin, ony sottan suraý qajet ekenin" aıtty.
Derekkóz: Azattyq radıosy
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir