16 Mamyr, 2023 NEWS

Foto: Ashyq derekkóz
Jańaózenniń jumyssyz munaıshylary prezıdentke vıdeo úndeý joldady.
"Jańaózenniń jumyssyz munaıshylary 46 kúnnen beri zańǵa saı eńbek jaǵdaılary jasaqtalǵan, munaıshyǵa laıyq eńbekaqy tólenetin jumys ornyn talap etýdemiz. О́kinishke qaraı, Qazmunaıgaz ben О́zenmunaıgazǵa qarasty mekemelerden ondaı oryn tabylmaı otyr. Bizge JShS Burǵylaý, OMS, MFS sekildi mekemelerden qosymsha jumys berip, máseleni sheshýge bolar edi. Ondaı da qadam jasalmady”, – dedi jańaózendikter.
Olardyń aıtýynsha, oblysta qurylǵan jumys toby eki otyrys ótkizgen. Alaıda quzyreti jetpegen soń Májilis depýtattary men Eńbek jáne halyqty áleýmettik qorǵaý jáne Energetıka mınıstrliginiń ókilderin qatystyramyz degen kelisimge kelgen.
"Bul ýáde de oryndalǵan joq. Mundaı máselege depýtattar, mınıstrlik ókilderi belsene qatysyp, tez sheshýge áreket jasaýy kerek edi. Halyqqa jany ashıtyn depýtat, jaýapty sheneýnik kórmeı otyrmyz. Prezıdent Qasym–Jomart Kemeluly, sizdiń tapsyrmalaryńyz oryndalǵan joq. Kináliler jazalanýyn talap etemiz”, – dep habarlady munaıshylar.
Eske sala keteıik, budan buryn jumysqa ornalastyrýdy talap etken Jańaózen munaıshylary ashtyq jarııalaǵan.
10 sáýirde Astanadaǵy Energetıka mınıstrligi ǵımaratynyń janyna Beráli Mańǵystaý kompanııasynyń burynǵy jumysshylary jınalyp, jumyspen qamtamasyz etýdi talap etken bolatyn. Narazylardy polısııa ustap áketip, ertesi máseleniń sheshiletiniń aıtyp Mańǵystaýǵa attandyrǵan edi. Alaıda másele áli kúnge deıin rettelmeı keledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir