UQK kýrsantynyń ólimine qumar oıynǵa táýeldilik sebep bolǵan

Qumar oıyndarǵa táýeldilik UQK kýrsantynyń ólimine sebep boldy. Bul týraly Ulttyq qaýipsizdik komıteti tóraǵasynyń orynbasary Marat Kólqobaev aıtty.

"Kýrsanttyń ólimine qumar oıyndarǵa táýeldilik sebep bolǵany anyqtaldy. Bul UQK akademııasynyń tarıhyndaǵy alǵashqy jaǵdaı. Qumar oıyndarǵa táýeldiliktiń birden paıda bolmaıdy. Eń aldymen adamnyń qumar oınaı bastaǵan sátin anyqtaý kerek», – dedi ol.

Qazir bul isti polısııa tergep jatyr.

"Ulttyq qaýipsizdik organdaryna alynbas buryn kez–kelgen adamdy tekserýden ótkizemiz. Onyń qatarynda psıhologııalyq tekseris te bar. Bolashaqta akademııada monıtorıng júrgizetin bolamyz, ol úshin arnaıy psıhologııalyq qyzmet pen qaýipsizdik bólimi bar",– dep málimdedi Marat Kólqobaev.

Eske sala keteıik, 30 sáýirde Almatyda UQK akademııasynyń kýrsanty óli kúıinde tabylǵan bolatyn.