Atyraýlyq jýrnalısttiń kóligin órtegen kúdikti ustaldy

Atyraýda polıseıler belgili jýrnalıst Vıktor Sýtıagınniń kóligin órtep jiberdi degen kúdikpen er adamdy ustady. Bul týraly Qazaqstan IIM resmı arnasy habarlady.

Vedomstvo málimetinshe, polısııa  jýrnalıstiń kóligin órtep jiberdi degen kúdikpen er adamdy ustaǵan.

"Atyraý oblysynyń krımınaldyq polısııa qyzmetkerleri uıymdasqan qylmysqa qarsy kúres basqarmasymen birlesip, jýrnalıstiń kóligin órtep jiberdi degen kúdiktini anyqtap, ustady", - deligen habarlamada.

Sonymen qatar, qazirgi ýaqytta bul fakt boıynsha tergeý jalǵasyp jatqany habarlandy.

Eske sala keteıik, 11 mamyrda "QazAqparattyń" Atyraýdaǵy menshikti tilshisi Vıktor Sýtıagınniń kóligi órtengen bolatyn. Vıktor Sýtıagınniń aıtýynsha, túngi ekiden keıin er adamnyń kóligine jaqyndaǵanyn, kólik mańyndy birdeńe jasaǵany kameraǵa túsip qalǵan, sodan keıin kólik órtengen.

Qylmystyq kodekstiń 202 baby,  3 bóligi boıynsha jábirlenýshiniń aryzy tirkelgen edi.