"Terezeni syndyryp, 3,6 metrlik qorshaýdan qashyp shyqqan": Koreıada ustalǵan qazaqstandyqtarǵa qatysty tyń derek shyqty

Koreıadaǵy Inchhon áýejaıynan qashyp ketken eki qazaqstandyqtyń áreketi rezonans týdyryp, 23 adam qazaqstandyq bolǵany úshin jumystan shyǵarylǵan, dep habarlady "korea_komek" Instagram paraqshasy. 

"Túrkistan qalasynyń 2 azamaty 25 naýryzda О́zbekstan halyqaralyq áýejaıy arqyly Koreıaǵa kelgen. Qujattarynyń durys bolmaǵandyǵyna baılanysty Kedendik baqylaý qyzmetkeri olardy elge kirgizýden bas tartyp, deportasııalyq ushaq kútý bólmesine jibergen. Biraq olar kútý bólmesiniń terezesin syndyryp, bıiktigi 3,6 metr bolatyn qorshaýdan sekirip qashyp ketken", dep jazylǵan paraqshada. 

Qashyp shyqqan Úmıjan Narzýllaevti polıseıler sol kúni Tedjon qalasynan ustady. Al 18 jastaǵy Nursultan Irısbaev 3 kúnnen keıin óz erkimen polısııaǵa berildi.

"Eki azamat ta qylmystaryn moıyndap, tergeý kezinde Qazaqstanda kúnkóris qıyn ekenin, otbasyn asyraý úshin kontrabandalyq jolmen Koreıaǵa ótip, jumys istemek bolǵandaryn aıtqan. Polısııa olardy ózge eldiń shekarasyna zańsyz ótip, qashyp ketkeni úshin terrorlyq áreket jasady dep aıyptap jatyr. Kazirgi tańda eki azamat ta qamaýǵa alynǵan. Birinshi ustalǵan Úmıjan Narzýllaev Qazaqstanǵa deportasııalanady. Al 3 kún boıy polısııadan qashqan Nursultan Irısbaev 3 aıǵa Koreıa túrmesine qamalýy múmkin.  Koreıa zańdary boıynsha prokýror bundaı qylmys úshin 15 jyl bas bostandyǵynan aıyrýdy suraǵan. Alaıda Nursultannyń óz erkimen berilgendigi esepke alyndy", delingen habarlamada.