Qulybaevtyń kompanııasyna tıesili 6 mıllıard teńgeniń jer telimi Qazaqstan menshigine qaıtaryldy

Bas áskerı prokýratýra múlikti memleketke qaıtarý boıynsha sharalar atqaryp jatyr, dep habarlaıdy Bas prokýratýranyń baspasóz qyzmeti. 

2014 jyly Almatynyń Medeý aýdanyndaǵy jer telimi "Dostyq Stroı qurylys kompanııasy" JShS menshigine ótken. Onyń jalpy aýmaǵy 3,8 gektardy qurasa, quny 6 mıllıard teńgeden asady.

"Alaıda bul kompanııa 7 jyldan astam ýaqyt boıy jer telimin óz maqsatyna saı paıdalanylmaı kelgenin eskere otyryp, áskerı prokýratýra jerdi májbúrli túrde alyp qoıý týraly sotqa shaǵym túsirdi" – dep málimdedi mınıstrlik.

Sot prokýratýranyń talaptaryn qanaǵattandyryp, sheshim zań kúshine engen. Qazir sot sheshimin oryndaý boıynsha jumystar júrgizilýde.