"Tobyrdan ult jasaıtyn jer": Búgin dúnıejúzilik teatr kúni

Búgin Dúnıejúzilik teatr kúni. Belgili jazýshy, dramatýrg Anton Chehov "teatr–tobyrdan ult qalyptastyratyn jer" dep teatr ónerin joǵary baǵalasa, álemniń birinshi ustazy Arıstotel ár qoıylym adamdy katarsıske túsirýi kerek dep sanaǵan. Osy oraıda Qamshy.kz aqparat agenttigi teatr óneri týraly qyzyqty derekterdi nazarlaryńyzǵa usynady.

♦ Qazirgi serıaldardyń túp tamyry teatr qoıylymdarynda jatyr. Ejelgi Sısılııa sahnalarynda bir jylǵa sozylatyn qoıylymdar qoıylatyn bolǵan. Kórermender kún saıyn qoıylymnyń jalǵasyn kórý úshin teatrǵa jınalǵan.

♦ Ejelgi Rımdikter qandy kórinisti tamashalaǵandy jaqsy kórgeni sonsha, teatrdaǵy qoıylym barysynda keıipker ólýge tıis bolsa, akterdy ólim jazasyna kesilgen qylmyskermen almastyryp, sahnada óltire salǵan.

♦ Alǵashqy fonogramma Ejelgi Rımdegi teatr qoıylymynda qoldanylǵan. О́z zamanyndaǵy belgili dramatýrg Lıvı Andronık tek pesa jazyp qoımaı, keıipkerlerin ózi somdaýdy da unatqan. Birde tamaǵy bitelip, daýysy shyqpaı qalǵan ol sahna syrtynda arnaıy daıyndalǵan balany kerek kezinde sóıletip qoıyp, ózi tek aýzyn jybyrlatyp turǵan.

♦ Ejelgi Ionıkalyqtar kórermenderdiń qol shapalaqtap, qoshemet kórsetkenine qatty kóńil bólgen. Qoıylym kórýge bir qoly ǵana bar adamdar kelse, bir jerge jınalyp, taqyrbas quldardyń basyn qolmen urý arqyly qoshemet kórsetetin bolǵan.