• USD 468.56

  • EUR 497.56

  • RUB 7.3

  • CNY 67.18

28 Naýryz, 19:17:34
Almaty
+35°

Almatyda ótken saılaý nátıjesine baılanysty baspasóz konferensııasynda Rysbek Sársenbaı Halyq parlamentin qurýǵa usynys tastady.

"Bul saılaýdyń ádiletsiz ótkenin kúshtep bolsyn moıyndatýymyz kerek. Eger Toqaev "saılaýdy ádil ótti", dep tanysa, bılikten ketýin talap etýimiz qajet. Qazir naıza kezenip, daıyn otyrmyz. Toqaev qatesin túsinse túzetedi. Túsinbese, ony prezıdent dep esepteı almaımyz. Saılaý týraly zań men saılaý komıssııasyn ózgertýdi talap eteıik! Osyndaı isterdi uıymdastyrý úshin bizge Halyq parlamenti kerek",– dep málimdedi Rysbek Sársenbaev.

Ol Halyq parlamentiniń quramyna el arasynda bedeldi, sóziniń salmaǵy bar tulǵalar men bolǵan jaıttardy taldaı alatyn, usynys tastaı alatyn adamdardy alý keregin aıtyp ótti.

"Halyqsyz bılik bolmaıtynyn dáleldeıtin, ony iske asyratyn sát keldi. Halyq parlamenti úshin jumys tobyn quryp, arnaıy jıyn ótkizeıik. El senetin, buryn eshkimdi aldamaǵan, shyndyqpen júrgen, bilimdi de bilikti adamdardan Halyq parlamentin quraıyq. Tek Almatymen shektelmeı, ártúrli aımaqtardaǵy barlyq azamattarǵa aıtaıyq" – dep úndeý tastady Rysbek Sársenbaev.

Sonymen qatar Rysbek Sársenbaı Halyq parlamentin qurýǵa saılaýdan jeńilgen úmitkerler da qarsy emes ekenin málim etti. Olardyń qatarynda Sanjar Boqaev, Orazaly Erjanov, Inga Imanbaı, Esenǵazy Qýandyq, Muhtar Taıjan da bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir