"Júlde qory – 600 myń teńge": Almatyda "Jarapazan-Party" atty buqaralyq baıqaý ótedi

Almatyda Ortalyq meshittiń uıymdastyrýymen Ramazan aıynyń qurmetine "Jarapazan-Party" atty buqaralyq baıqaýy ótedi. Atalǵan baıqaýǵa barlyq almatylyq qatysa alady. 

Baıqaý erejesi: 

1.   «Jarapazan-Party» atty baıqaý (ary qaraı – Baıqaý)  jalpyhalyqtyq buqaralyq shara bolyp sanalady;

2.   Baıqaý qasıetti Ramazan aıynyń qarsańynda uıymdastyrylady;

3.   Baıqaý týraly aqparat aldyn-ala www.azan.kz saıtynda jarııalanady;

4.   Baıqaýǵa tek Almaty qalasynyń turǵyndary qatysa alady.

Baıqaýdyń maqsaty men mindetteri

1.  QMDB Tóraǵasy, Bas múftı Naýryzbaı qajy Taǵanuly 2023 jyldy «Islam jáne izgi qoǵam» jyly dep jarııalaýyna oraı «Din men dástúr» sabaqtastyǵy aıasynda izgi qoǵam qurýda buqara halyq arasynda ulttyq qundylyqtarymyzdy, dástúrimizdi nasıhattap, dáripteý;

2.  Umytyla bastaǵan ıgi dástúrlerdi qaıtadan sánge aınaldyrý;

3. Halyqty on eki aıdyń sultany bolǵan qasıetti Ramazan aıynyń kelýimen súıinshileý;

4. Orazanyń rýhanı-moraldyq, etıkalyq qasıetterin nasıhattaý.

Baıqaýdyń ótý kezeńi

Baıqaý 2023 jyldyń 23 naýryz ben 01 sáýir kúnderi aralyǵynda ótedi; Baıqaý  ú.j 01 sáýir kúni qorytyndylanady.  

Baıqaýǵa qatysý talaptary

1. Baıqaýǵa jekelegen adamdar, shyǵarmashylyq toptar, stýdentter men meshit shákirtteri, jalpy jamaǵat qatysa alady;

2. Baıqaýǵa qatysýshylar klassıkalyq nemese jańarǵan zamanaýı jarapazan mátinin ulttyq mýzykalyq aspaptardyń súıemeldeýimen nemese súıemeldeýsiz halyq arasynda flesh-mob formatynda oryndaıdy. Baıqaýdyń qorytyndysy barlyq qatysýshylar men ádil-qazylardyń qatysýymen Almaty Ortalyq meshitinde ótkiziledi. Sondaı-aq, baıqaý qorytyndysyna deıin jarapazan jyryn oryndaýshylar vıdeo nusqasyn 8 747 554 35 58 telegram kanalyna joldaýy tıis. Almaty Ortalyq meshitiniń resmı paraqshalary @azan.kz_1 Instagram, Facebook jáne Tik-tok áleýmettik jelilerinde #jarapazan2023 hesh-tegimen jarııalanady.  

Júldegerlerdi marapattaý

1.   Baıqaý qorytyndysynda oryndaýshylar júldeli I oryn 300 000 teńge, II oryn 200 000 teńge, III oryn 100 000 teńge qarjylaı syılyqpen marapattalady. Sonymen qatar yntalandyrý maqsatynda baǵaly syılyqtarmen marapattalatyn bolady. Baıqaýǵa demeýshilik kórsetýshi «MIRAS QAZYNA» qory.

Qosymsha málimetter úshin baılanys telefon nomeri: 8 747 554 35 58 

Almaty Ortalyq meshitiniń

Baspasóz qyzmeti