• USD 468.56

  • EUR 497.56

  • RUB 7.3

  • CNY 67.18

29 Naýryz, 19:47:00
Almaty
+35°

Mańǵystaý oblysy turǵyndaryn sapaly aýyz sýmen qamtamasyz etý – óńirdegi ózekti máselelerdiń biri. Halyqty tirshilik nárimen qamtý isi Astrahan-Mańǵystaý sý qubyry arqyly keletin Edil sýy men teńiz sýyn tushytý arqyly júzege asyrylady. Osy sý kózderiniń jalpy qýaty táýligine 156,8 myń tekshe metrdi quraıdy. Alaıda, bul sý tapshylyǵyn tolyq sheshpeıdi.

Memleket basshysy Qasym-Jomart Toqaev 2021 jyly Mańǵystaý oblysyna jumys sapary barysynda aýyz sý máselesine erekshe nazar aýdaryp, arnaıy tapsyrma berdi. О́ńirdegi eldi mekenderdiń 20 paıyzynda aýyz sý jetispeýshiligi tirkelgen. Atalǵan máseleni sheshý úshin qabyldanǵan sharalar 12 eldi mekendi aýyz sýmen qamtamasyz etýge múmkindik berdi.

dd

Memleket basshysynyń tapsyrmasy boıynsha Mańǵystaýdyń on eki aýylynda ortalyqtandyrylǵan sý qubyrlary (Beki, Basqudyq, Sam, Turysh, Noǵaıty, Qyzylózen) júrgizilip, sýdy tazartýdyń keshendi bloktyq-modýldik qondyrǵylary (Tıgen, Tasmuryn, 15 razezd, Bozdaq, Qııaqty, Aqqudyq) ornatyldy.

Mamandardyń aıtýynsha, oblysta aýyz sýdyń tapshylyǵy ásirese jazda baıqalady. Sý tapshylyǵy táýligine 52,7 myń tekshe metrdi quraıdy, al óńirdiń damý deńgeıin eskere otyryp, 2030 jylǵa qaraı bul kórsetkish táýligine 266,3 myń tekshe metrge, al tapshylyq – 109,5 myń tekshe metrge jetpek.

ld

О́ńirde sý tapshylyǵyn túbegeıli sheshý maqsatynda toǵyz sý tushytý zaýytyn salý josparlanýda. «Kaspıı» tushytý zaýytynyń qýatyn táýligine 40 myń tekshe metrge deıin arttyrý kózdelip otyr. Bul jobany iske asyrý úshin 2019-2022 jyldary respýblıkalyq bıýdjetten 12,1 mlrd teńge bólindi. Jobanyń 80%-y ázirlengen. Zaýyt 2023 jyldyń birinshi jartyjyldyǵynda paıdalanýǵa berilýi tıis.

Sonymen qatar, Qarajanbas ken ornynda táýligine 17 myń tekshe metr sýdy tushytý zaýyty salynyp jatyr.

 2023 jyly MAEK aýmaǵynda táýligine 24 myń tekshe metr sý tushytý qondyrǵylarynyń jáne Fort-Shevchenko qalasynda táýligine 5 myń tekshe metr sý tushytý zaýytynyń qurylysy bastalady. Bul jobalar 2023-2024 jyldary iske asyrylatyn bolady.

d

Aqtaýda qýattylyǵy táýligine 20 000 tekshe metr sý tushytý zaýytynyń qurylysy júrgizilýde. Bıyl birinshi jartyjyldyqta Aqtaýdaǵy aýyz sýdyń jalpy aǵyny táýligine bes myń tekshe metrmen tolyqtyrylady dep kútilýde.

Sondaı-aq oblysta «Kaspıı» tushytý zaýytynyń qýatyn 100 myń tekshe metrge jetkizý jónindegi joba iske asyrylmaq, sondaı-aq Kendirli aýmaǵynda, Aqshuqyr, Shapaǵatov jáne Boranqul aýyldarynda tushytý qondyrǵylaryn salý josparlanyp otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir