Foto: Kórnekilik úshin
2016 jyldan beri Qazaqstan halqy Assambleıasynyń qurylǵanyna oraı 1 naýryz – "Alǵys aıtý" kúni bolyp jarııalandy. Bul – elimizdegi ózge ult ókilderiniń qazaq halqyna alǵysyn aıtyp, rızashylyǵyn bildiretin kún. Osyǵan oraı Qamshy.kz aqparat agenttigi Abaı pedagogıkalyq ýnıversıtetiniń 1 kýrs stýdenti Rahııa Merhatqyzynan shaǵyn suhbat aldy.
Rahııanyń ulty tatar bolǵanymen, qazaqshasy – óte jaqsy. Kóbi qazaqsha erkin sóıleginin kórip qazaq dep oılaıdy eken.
"Ultymnyń tatar ekenin estigende kóbisi tańǵalady, rızashylyǵyn bildiredi. Jalpy til úırený qıyn bolmady. Ata-anam qazaq mektebinde oqytqandyqtan, qazaq tildi ortada óstim. Úıde de qazaq-tatar tilinde sóıleı beremiz. Keıbir ózge ult ókilderi qazaqsha úırenýdi qıynsynyp jatady. Men munymen kelispeımin. Úırenýge nıet bolsa jetkilikti", deıdi stýdent qyz.
Rahııa Merhatqyzynyń ata-anasy tyń ıgerý jyldary Qazaqstanǵa qonys aýdarǵan.
"Ata-anam Qazaqstanda otaý qurdy. О́zim Semeı qalasynda dúnıege keldim. Áke-sheshem muǵalim. 20 jyldan beri orys mektebinde sabaq berip keledi. Qazaqstandy qazaqtardan kem jaqsy kórmeımin. Bolashaqta qandaı jospar qursam da, osy elde qalatynyma senimdimin. Qazaqtar – óte qonaqjaı halyq. Sondyqtan búgingi Alǵys aıtý kúnin paıdalanyp, barsha tatar ultynyń atynan qazaq halqyna shyn júrekten alǵys bildiremin!", dep sózin qorytyndylady Rahııa.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir