Mańǵystaýda sońǵy úsh jylda 3 mıllıon gektardan astam jer memleketke qaıtaryldy

16 aqpanda Mańǵystaý oblysynyń ákimi Nurlan Noǵaev jumys saparymen Qaraqııa aýdanyna qarasty Bostan, Senek jáne Qulandy aýyldaryna bardy. Birqatar áleýmettik nysandy aralap, eldi meken turǵyndarymen kezdesti, - dep habarlaıdy Mańǵystaý oblysy ákiminiń baspasóz qyzmeti.

Bostan kentinde 2100 adam turady. Jalpy bilim beretin mektep, balabaqsha, dárigerlik ambýlatorııa jumys isteıdi.

Ákimmen kezdesýge kelgen aýyl turǵyndary halyqty jumyspen qamtý, áleýmettik mańyzy bar taýarlardyń baǵasy, bilim, medısına salasyndaǵy kadr tapshylyǵy, joldyń jaı-kúıine qatysty saýaldaryn qoıdy.

Ákimniń jumys sapary 1800-den astam adam turatyn Senek aýylynda jalǵasty.

Senek aýylynyń ákimi Orazǵalı Bekenbaevtyń aıtýynsha, turǵyndar elektr jaryǵymen, ortalyqtandyrylǵan turmystyq gazben, aýyz sýmen 100 paıyzǵa qamtamasyz etilgen.

Aýyl turǵyndary mal jaıýǵa jer bólý boıynsha saýaldaryn qoıdy. Mańǵystaý oblysy boıynsha jer qatynastary basqarmasynyń basshysy Esemurat Dúzmaǵambetov oblysta sońǵy 3 jylda 3 mıllıon gektardan astam jer memleket menshigine qaıtarylǵanyn habarlady. Onyń ishinde ıgerilmeı jatqan 2 mln 406 myń 441 gektar aýyl sharýashylyǵy alqaby Qaraqııa aýdanyndaǵy "Senek" JShS-ǵa tıesili.

Jer telimin elektrondy saýda, konkýrstar arqyly paıdalanýǵa bolady.

Qaraqııa aýdany ákimdikteri ótkizgen baıqaýlarda jeńimpaz atanǵandardyń qatarynda «Senek» aýylynda uzaq jyldardan beri egin sharýashylyǵymen aınalysyp kele jatqan turǵyndar bar.

– Memleket basshysy Qasym-Jomart Toqaevtyń tapsyrmasy boıynsha aýyl sharýashylyǵyn damytýǵa jan-jaqty qoldaý kórsetilýde. Sol arqyly mal basyn kóbeıtýge, aýyl sharýashylyǵy daqyldarynan mol ónim alýǵa múmkindik bolady. Memleket tarapynan jasalyp jatqan qoldaýlar men múmkindikterdi tıimdi paıdalaný qajet. Aýyldaǵy ómir súrý deńgeıi men turǵyndarynyń tabysy osyǵan baılanysty bolǵandyqtan ákimdikter basqa memlekettik organdarmen birlese otyryp, osy baǵytta júıeli jumys júrgizýi qajet, - dedi Nurlan Noǵaev.

О́ńir basshysy Qulandy aýylynyń turǵyndarymen de kezdesti.

Aýyl ákimi Sanat Tókenovtiń aıtýynsha, aýyldyq okrýgte 106 sharýa qojalyǵy men 175 jeke sharýashylyq tirkelgen. Halyqtyń basym bóligi adaı jylqysyn baptaıdy. О́tken jyldarmen salystyrǵanda jylqy sany 6,9 paıyzǵa artqan. Buǵan asyl tuqymdy maldy sýbsıdııalaý sebep bolǵan.

Byltyr qulandylyq 6 sharýa qojalyǵy asyl tuqymdy malǵa 8 mıllıon teńgeden astam sýbsıdııa alǵan. Al bıyl sýbsıdııa kólemi ósedi. 2022 jyldyń sońynda sýbsıdııa alýǵa qujattaryn tapsyrǵan 7 sharýa qojalyǵy 14 mıllıon teńgege jýyq memlekettik qoldaýǵa ıe bolady. Sonymen qatar 2023 jyldyń mamyr aıynan bastap ótinishter qabyldanady.

Byltyr oblysta 330 aýyl sharýashylyǵy sýbektisi jalpy somasy 702 mln teńgege memlekettik qoldaý aldy. Onyń 14-i - Qaraqııa óńirinen.

Mańǵystaý oblysynyń ákimi halyqpen kezdesýinde aýyl sharýashylyǵymen aınalysatyn azamattar memlekettik qoldaýǵa ala alatynyn atap ótti.

– Aýyl sharýashylyǵy barlyq eldiń ekonomıkasy úshin mańyzdy sala. Sebebi ol halyqty azyq-túlikpen, kúndelikti ómirge qajetti kıim-keshek tigýge arnalǵan shıkizatpen jáne toqyma materıaldarymen qamtamasyz etedi. О́ńirde aýyldaǵy kásipkerlikti damytý maqsatynda memleket tarapynan qolaıly jaǵdaılar, sýbsıdııa jáne nesıe túrinde jan-jaqty qoldaý kórsetilýde. Moıyndaý kerek, munaı salasynda barlyǵyn jumyspen qamtý múmkin emes, sondyqtan jańa múmkindikterge nazar aýdarý qajet, sonyń biri – aýyl sharýashylyǵyn damytý, – dedi Nurlan Noǵaev.