• USD 468.56

  • EUR 497.56

  • RUB 7.3

  • CNY 67.18

28 Naýryz, 12:55:22
Almaty
+35°

7 aqpanda Mańǵystaý oblysynda «Beıneý-Jańaózen» gaz qubyrynyń ekinshi jelisin bastaý úshin sımvolıkalyq dánekerleý rásimi ótti. Saltanatty sharany Mańǵystaý oblysynyń ákimi Nurlan Noǵaev pen «QazaqGaz» UK» AQ basqarma tóraǵasy Sanjar Jarkeshov ashty, - dep habarlaıdy Mańǵystaý oblysy ákiminiń baspasóz qyzmeti.

Jobanyń tehnologııalyq shemasy boıynsha, gaz qubyrynyń 2-shi jelisiniń jalpy uzyndyǵy – 308 km. Al ótkizý múmkindigi jylyna – 5,8 mlrd tekshe metr. 2023 jyldyń jeltoqsan aıynda qurylys jumystaryn aıaqtaý jáne paıdalanýǵa berý josparlanyp otyr.

Saltanatty sharada oblys ákimi Nurlan Noǵaev joba óńirdiń áleýmettik-ekonomıkalyq damýyna qolaıly mýltıplıkatıvtik áser beretinin atap ótti.

– Memleket basshysy Qasym-Jomart Toqaev Mańǵystaý oblysyn turaqty gazben qamtamasyz etýdi tapsyrdy. Osy maqsatta QazaqGaz ulttyq kompanııasy Beıneý-Jańaózen gaz qubyrynyń ekinshi jeli qurylysyn bastady. Joba iske assa, shaǵyn jáne orta bıznestiń damýyna, jańa jumys oryndarynyń ashylýyna, sondaı-aq halyqtyń ómir súrý sapasyn arttyrýǵa septigin tıgizedi, – dedi oblys ákimi Nurlan Noǵaev.

QazaqGaz basshysynyń aıtýynsha, megajoba Mańǵystaý oblysynyń eldi mekenderin gazben qamtýǵa múmkindik beredi. Elektr energııasyn, jylý men sýdy óndirý úshin gazdy úzdiksiz tasymaldaıtyn iri kásiporyndardyń jumysyn jetildiredi. Sonymen qatar oblys turǵyndary úshin strategııalyq mańyzy bar áleýmettik nysandarǵa jáne ónerkásip oryndarynyń gazben qamtamasyz etilmeı qalý qaýpin, tótenshe jaǵdaılardyń aldyn alady.

«Búgingi tańda Mańǵystaý oblysynyń ishki naryqtaǵy tabıǵı gazdy tutyný kólemi artqany baıqalady. Sondyqtan megajoba boıynsha ekinshi jeli qurylysynyń áleýmettik-ekonomıkalyq mańyzy zor. Sonymen qatar oblystyń energetıkalyq qaýipsizdigin arttyrýǵa múmkindik beredi», – dedi Sanjar Jarkeshov.

 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir