• USD 468.56

  • EUR 497.56

  • RUB 7.3

  • CNY 67.18

29 Naýryz, 19:38:29
Almaty
+35°

"Pýtın Ýkraınaǵa basyp kirý jaıly sheshim qabyldaǵanda kóppen keńespegen. Sodan beri ol oqshaýlana bastady" dep jazady Reseı bıliginiń burynǵy sheneýnikterimen suhbattasqan Financial Times basylymy.

Olardyń aıtýynsha, syrtqy ister mınıstri Sergeı Lavrovtyń ózi  Ýkraınaǵa basqynshylyq bastalǵanyn el qatarly 24 aqpanda estigen.

"Kremldegiler basyp alý jaıly teledıdardan "arnaıy áskerı operasııa" jaıly habarlaǵanda ǵana bildi" dep jazady FT.

Sol kúni Kremlge jınalǵan olıgarhtar Lavrovpen mundaı mańyzdy sheshimdi eshkimmen aqyldaspaı qabyldaǵany jóninde sóıleskeninde ol "Pýtınniń úsh-aq keńesshisi bar. Ol "Ivan Groznyı", birinshi Petr jáne Uly Ekaterına" dep jaýap bergen.

"Barlyǵy oılaǵandaı bolmaǵanyn kórgen ol odan ári óshige tústi. Endi soǵysty jalǵastyrýdan basqa amal qalmady. Soǵys bastalǵaly el basshysy burynnan beter oqshaýlanyp ketti" deıdi eks-sheneýnikterdiń biri.

"Stalın zulym bolǵanmen jaqsy menedjer edi. Sondyqtan ony aldaý múmkin emes. Al Pýtınge shyndyqty aıtatyn adam joq. Eshkimge senbeıtin adamdar ózine ótirik aıtqandardy ǵana tyńdaı bastaıdy" kelesisi.

Pýtınniń basqynshylyq josparyn óz keńesshilerinen de jasyrýy birinshi ret emes. Reseı 2014 jyly Qyrymdy anneksııalaǵanda ol bul týraly Qaýipsizdik keńesine de eskertpegen. Tek tańǵy 7-ge deıin qorǵanys mınıstri Sergeı Shoıgýmen ǵana aqyldasqan.

Burynǵy Reseı sheneýniginiń aıtýynsha, keńesshiler bastapqyda Pýtındi Qyrymǵa ásker jibermeýge shaqyrǵan. Alaıda ol: "Bul tarıhı sát. Kelispeseńder kete berińder" degen. Ol orystardyń basyn biriktirip, jerin keńeıtken birinshi Petr sııaqty tarıhta qalatynyna jáne Petr týraly ańyzdardyń barlyǵyna senedi.

Pýtın basqynshylyq josparyn jasaý kezinde ýkraındyqtar orys áskerlerin qushaq jaıa qarsy alatynyn aıtqan ýkraınanyń memleket qaıratkeri Vıktor Medvedchýkqa ergen.

"Máskeýde buǵan kúmánmen qaraǵandar kóp boldy. "Eger Medvedchýk jańbyr jaýady dese, kún ashyq bolady" deıdi Reseıdiń burynǵy joǵary laýazymdy sheneýnigi.

Shabýyldan úsh kún buryn ótken Qaýipsizdik keńesiniń otyrysynda keńes hatshysy Nıkolaı Patrýshev máseleni dıplomatııa jolymen sheshýdi usynǵan. Alaıda Pýtın ózine senimdi bolǵandaqtan, keńes hatshysyn tyńdamady.

"Pýtınniń aqyl-esi ornynda. Biraq onyń keńesshileri qazirgideı únsiz otyrmaı, shyndyqty betine basýy kerek. Bul tarıhtaǵy barlyq elıta basshysyn qoldamaǵan alǵashqy soǵys" deıdi burynǵy sheneýnik.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir