• USD 468.56

  • EUR 497.56

  • RUB 7.3

  • CNY 67.18

29 Naýryz, 17:17:26
Almaty
+35°

Apellıasııalyq sot Atyraý oblysy ákiminiń burynǵy orynbasary Baqytgúl Hamenovaǵa qatysty sot úkimin ózgerissiz qaldyrdy. Al  mádenıet basqarmasynyń basshysy bolǵan Aqylbek Rysqalıev pen «Balqytý» JShS dırektory О́mirtaı Adamovtyń jazasy jeńildedi.

"Sot alqasynyń sheshimi boıynsha Rysqalıev jáne Adamovqa qatysty sot úkimi ózgertildi, al Hamenovaǵa qatysty sot úkimi ózgertýge nemese onyń kúshin joıýǵa negiz bolmaǵandyqtan ózgerissiz qaldyryldy. 4 500 000 teńge mólsherindegi para somasy Hamenovaǵa arnalǵan, ol bul somadan úlesin alýy týraly kelispegen. Sondyqtan Rysqalıevtiń áreketteri para alýǵa járdemdesý retinde qaraldy" delingen Atyraý oblystyq sotynyń baspasóz qyzmeti taratqan habarlamada. 

Hamenova jýrnalısterge bildirgen pikirinde Joǵary sotqa shaǵymdanatynyn aıtty.

"Búginde qarǵa qarǵanyń kózin shuqyǵan joq. О́ńirdegi sýdıalardyń derbes, ádil sheshim shyǵarýda eshqandaı bıligi joq ekendigine kóz jetti. О́ńirdegi quqyq qorǵaý organdaryna​ seniń aqıqatyńnyń quny kók tıyn. Meniń eshkimim joq. Ony bári biledi. Endigi úmit tek Joǵarǵy sotta. Adamnyń sotynan qutylǵanmen, Allanyń sotynan eshkim qutylmaıdy. Men ózimniń shyndyǵymdy, aqtyǵymdy dáleldeý úshin sońyna deıin kúresemin" dedi Baqytgúl Hamenova jýrnalısterge.

Baqytgúl Hamenovaǵa aldyn ala kelisim boıynsha para aldy degen aıyp taǵylǵan. Sot ony kináli dep taýyp, jeti jylǵa bas bostandyǵynan aıyrý jazasyn taǵaıyndaǵan. Alaıda kámeletke tolmaǵan balasynyń bolýyna baılanysty jazany óteý úsh jylǵa shegerilgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir