«G4 City» jobasy Sıngapýr tehnologııalary boıynsha iske asyrylady

Sıngapýrda «G4 City» jobasyn damytý jáne oryndaý sheńberinde sheteldik áriptestermen kezdesý ótti.

Kezdesý qorytyndysy boıynsha Almaty oblysy ákiminiń orynbasary Nurjan Qudaıbergenov jáne «Surbana Jurong Infrastructure Pte Ltd» kompanııasynyń bas dırektory Choon Chong myrza kelisimge kelip, yntymaqtastyq týraly memorandýmǵa qol qoıdy.

Atalmysh Memorandýmnyń maqsaty – taraptardyń jobany ázirleý jónindegi yntymaqtastyǵyn odan ári jandandyrý jáne Qazaqstan Respýblıkasynyń zańnamasyna sáıkes G4 qalasynyń Bas josparyn ázirleý negizderin belgileý bolyp sanalady.

Jalpy, «Surbana Jurong Group» kompanııasynyń jobalardy tabysty iske asyrýda 70 jyldyq tájirıbesi bar.

Atalmysh kompanııa josparlaý men jobalaýdan bastap jetkizý men basqarýǵa, paıdalanýdan shyǵarýǵa jáne jabýǵa deıingi jobanyń búkil sıklin qamtıtyn turaqty sheshimderdi usynady.

Negizigi «Surbana Jurong» kompanııasy Sıngapýrda mıllıonnan astam úı salyp, 60-tan astam elde bas josparlar jasady jáne búkil álem boıynsha 100-den astam ónerkásiptik saıabaqtar qurǵan.

«Biz qazaqstandyq áriptesterimizdiń «G4 City» jobasynyń artynda tutas óńirdiń jáne urpaq bolashaǵy turǵanyna senemiz. Bizdiń mindetimiz - sapaly jáne biregeı turǵyn úı jobasy retinde iske asyrylatyn bas jospardy ázirleý úshin eń tıimdi sheshim usyný. Biz sapaly turǵyn úılerdi, jumys oryndaryn, joldardy, temirjoldardy, sý elektr stansylaryn, bógetterdi, jerasty jáne jaǵalaýdaǵy qorǵanys qurylystaryn jáne klıentterimizge qajet basqa da mańyzdy ınfraqurylymdy jobalaý jáne jetkizý arqyly ómir súrýge qolaıly keńistikter quramyz", - dep atap ótti Sıngapýr kompanııasynyń ókilderi.

Almaty oblysy ákiminiń baspasóz qyzmeti