Túrkııadaǵy zilzaladan qaza tapqandardyń sany 12 myńnan asty

Túrkııada zilzaladan qaza bolǵandar sany 12,3 myńnan asty, dep jazady Anadoly agenttigi.

Tótenshe jaǵdaılar men apattar jónindegi basqarma jer silkinisinen 12 391 adam qaza taýyp, 62 914 adam jaraqat alǵanyn habarlady. Dalada qalǵan halyqty ornalastyrý úshin shatyrlar tigilgen. 

AFAD deregine sáıkes, 6 aqpan kúni Túrkııanyń Kahramanmarash-Pazardjık aýdanynda qýaty 7,7 balldy, Elbıstanda 7,6 balldy quraǵan eki zilzala bolyp, dúmpý eldiń 10 provınsııasynda, kórshiles Sırııada sezilgen.

Keshe jer silkinisi taǵy qaıtalanǵan. Onyń magnıtýdasy 5,4 balǵa jetken.

Úıindilerdi arshý táýlik boıy júrip jatyr. Keshe Túrkııanyń Qazaqstandaǵy elshisi jer silkinisinen keıin 4 qazaqstandyqtyń joǵalyp ketkenin málimdegen. Onyń biri – Sabıra Mamadııarova úıindi astynan aman tabyldy. О́zgeleri áli izdestirilip jatyr.