Foto: Ashyq derekkóz
Túrkııadaǵy jer silkinisinen keıin 4 qazaqstandyq joǵalyp ketken. Bul týraly Túrkııanyń Qazaqstandaǵy elshisi Ýfýk Ekıdjı habarlady. Alaıda ol bul málimet áleýmettik jeliden alynǵanyn eskertti.
"Túrkııada bolǵan joıqyn zilzala kezinde joǵalyp ketkender arasynda ókinishke qaraı Qazaqstan azamattary da bar. Tórt adam habar-osharsyz ketken degen derekke qol jetkizdik. Bir jas qyz, bloger bolýy múmkin, Adana qalasynda, úsh kisi Hataı qalasynda joǵalǵan. Alaıda bul resmı aqparat dep aıta almaımyn. Bizge bul málimet áleýmettik jelilerden belgili boldy" dep atap ótti Tótenshe jáne ókiletti elshi.
Elshi sondaı-aq jer silkinisi bolǵan aımaqtarǵa 36 memleketten 4 myńnan astam qutqarýshy jiberilgenin atap ótti.
Túrkııa men Sırııanyń birqatar provınsııasynda qatty jer silkinisi bolyp, bútindeı aýdandar, qalashyqtar búlingen. Tabıǵı apattan 13,5 mln turǵyny bar 10 provınsııa zardap shekken. Sońǵy málimetter boıynsha, qaza bolǵandar sany qos el boıynsha 8 myńǵa jýyqtaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir