• USD 468.56

  • EUR 497.56

  • RUB 7.3

  • CNY 67.18

29 Naýryz, 17:42:07
Almaty
+35°

Sırııadaǵy jer silkinisinen qaza tapqandardyń sany 1600-den asqan. 3649 adam aýyr jaraqat alǵan. Sham ólkesiniń basshylyǵy Batys elderin sanksııalardy alyp tastap, kómek kórsetýin suraıdy., dep habarlady Birgun.net saıty.

Sırııada qutqarý jumystary óte baıaý júrýip jatyr. Jýrnalıst Sarkıs Kasardjııannyń aıtýynsha, qaza tapqandar sany saǵat saıyn arta túsýde, Sondaı-aq ol Sırııaǵa halyqaralyq kómek kórsetilmeı jatqanyn jetkizdi.

"Qaza tapqandardyń sany resmı málimetten qaraǵanda kóp. Qutqarý jumystary bolsa óte baıaý. Elimizdegi barlyq adam qutqarý jumystaryna jumyldyrylsa da halyq mundaı jaǵdaıda jumys isteýge daǵdylanbaǵan. Tabıǵı apattar kezindegi jumystar atqarýda tájirıbemiz az. Qutqarý jumystaryna tájirıbesi joq mamandar jumyldyrylyp, arnaıy qural-jabdyqtyń bolmaýynan qaza tapqandardyń sany artýy múmkin", deıdi jýrnalıst. 

Al Hurriyet basylymynyń habarlaýynsha, sırııalyq saıasatker, BUU ókili Bassam Sabah barlyq elderdi Sırııany dári-dármek, azyq-túlikpen qamtamasyz etip, kómek kórsetýge shaqyrǵan. 

SANA memlekettik basylymy Iran men Irak tarapynan Sırııaǵa gýmanıtarlyq kómek kórsetilip jatqanyn jazdy. Azyq-túlik, dárilik preparattarmen qatar medısınalyq qyzmetkerler kelgen. 

Halyqaralyq memlekettik emes uıymdar Túrkııanyń soltústigi men Sırııaǵa kómek retinde arnaıy naýqan bastady. Tanymal amerıkalyq telejúrgizýshi Ellen De Djeneres qorǵa 3,5 mıllıon dollar aýdaryp, naýqannyń bastalǵanyn habarlady. 

Budan bólek reseılik sarbazdar da jer silkinisinen zardap shekken Sırııanyń birneshe aýmaǵyna gýmanıtarlyq kómek kórsetken. Olar sırııalyqtarǵa azyq-túlik taratyp, jylýmen qamtamasyz etýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir