Foto: Ashyq derekkóz
Túrkııada qazaqstandyq IT maman Mırýs Qurmashev joǵalyp ketti. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málim etti.
Mırýs Qurmashev Astana Hub ókili, VT Mırýs kompanııasynyń ıesi. Ol zilzala bolǵan ýaqytta Hataı qalasynda bolǵan. Jer silkinisinen keıin baılanysqa shyqpaǵan.
“Almatydaǵy baýyrynyń aıtýynsha, ol dostarymen birge Hataıda páter jaldap turǵan. Olar zilzaladan keıin baılanysqa shyqpaǵan. Búgin týǵan-týystary, dostary, Astana Hub basshylyǵy, volonterler Mırbolatty izdeý úshin Túrkııaǵa ushady. Eger bireýde Mırbolat týraly aqparat bolsa, baýyryna (+7 702 430 2021) habarlasýdy ótinemiz”, – deıdi Mýsın.
Syrtqy ister mınıstrliginiń resmı ókili Aıbek Smadııarov aqparatty rastady. Túnde Mırýstyń baýyry, dostary men qazaqstandyq eriktiler Túrkııaǵa ushyp ketken.
Túrkııanyń ońtústigi men Sırııanyń soltústiginde qýaty 7,6, 7,7 ball bolǵan joıqyn jer silkinisiniń qurbandarynyń sany sát saıyn artyp jatyr. Sońǵy aqparatqa sáıkes, tabıǵı apattan 4 myńnan astam adam qaza tapqan. 20 myńnan artyq adam zardap shekken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir