• USD 468.56

  • EUR 497.56

  • RUB 7.3

  • CNY 67.18

29 Naýryz, 16:56:55
Almaty
+35°

Qazaqstanda Ekstrakorporaldy uryqtandyrý joǵary sapaly ári sheteldegi prosedýralarǵa qaraǵanda aıtarlyqtaı arzan sanalady, dep habarlady energyprom.kz portaly.

Alaıda Qazaqstandaǵy ómir súrý sapasynyń tómendiginen prosedýra el azamattary úshin qoljetimdi deýge kelmeıdi.

Qazaqstandyq reprodýktıvti medısına qaýymdastyǵy mamandarynyń aıtýynsha, eldegi ár altynshy jup bedeýlikke shaldyqqan. Naýqastardyń 45 paıyzy dıagnozdy jeńip, jasandy uryqtandyrý tehnologııalarynyń kómegimen ǵana bala týa alady. Qazaqstanda reprodýksııa ortalyǵy ashylǵan 25 jylda EKU arqyly 25 myń sábı dúnıege kelgen. Al «probırkadan» shyqqan tuńǵysh qazaqstandyq qyz Alesıa Lı Shınniń ózi tabıǵı jolmen ana atanǵan.

 

Qazir Qazaqstanda ekstrakorporaldy uryqtandyrý baǵdarlamalary 27 medısınalyq ortalyqta júzege asyrylyp jatyr. Iri qazaqstandyq klınıkalarda bastapqy standartty EKU hattamasynyń ortasha baǵasy 450 myń teńgeden 500 myń teńgege deıin. Mańyzdy: bul soma embrıondardy krıokonservasııalaý jáne jibitý, bedeýlik erkekten bolsa SISI ádisimen uryqtandyrý (ICSI — Intra Cytoplasmic Sperm Injection, spermatozoıd ıntrasıtoplazmatıkalyq ıneksııasy sııaqty medısınalyq qyzmetterdi qamtymaıdy jáne qosymsha tóleıdi. Bul qosymsha taǵy 400–500 myń teńge. Kóptegen jup úshin osy prosedýralar usynylady jáne kóbine baǵdarlamanyń sátti bolýy úshin qajet.

Shyǵyndardyń úshinshi bóligin dári-dármek quraıdy. Almaty reprodýktıvti medısına ınstıtýty dárigerleriniń aldyn ala boljamy boıynsha, hattamadaǵy áıelge arnalǵan dári-dármekke qosymsha 50–500 myń teńge jumsalýy múmkin. Gormonaldy yntalandyrý mólsheri men dári-dármektiń mólsheri dıagnozǵa baılanysty. Sonymen qatar, erli-zaıyptylar óz qarajatyna test tapsyrýy kerek. Bul – shamamen 150 myń teńgege artyq. Osylaısha, pasıentter hattamany bastaǵanǵa deıin rezervte bolýy kerek eń joǵary soma 1,65 mln teńgeni quraıdy.

 

EKU týraly sheshim qabyldaǵan árbir úshinshi jup bul somany taǵy eki nemese tipti úsh ese kóbeıtýi kerek, óıtkeni árbir úshinshi EKU hattamasy ǵana bosanýmen aıaqtalady.

Sońǵy jyldary qazaqstandyq emhanalarǵa atalǵan prosedýra úshin Ortalyq Azııa jaqyn elderiniń azamattary da, Germanııadan, Qytaıdan, AQSh-tan jáne Túrkııadan da kóbirek kele bastady. О́ıtkeni Qazaqstanda jasandy uryqtandyrý baǵdarlamasynyń tıimdiligi damyǵan elderdegideı joǵary, ekinshi jaǵynan emdeý sonshalyqty qymbat emes.

Eger QR-da standartty EKU baǵasy orta eseppen 1 myń AQSh dollaryn qurasa, ızraıldik klınıkada hattama 5,3 myń AQSh dollaryn quraıdy. Germanııa nemese Ulybrıtanııanyń tanymal klınıkalarynda jasandy uryqtandyrý úshin 8 myń AQSh dollardan astam, al AQSh-ta 9,5 myń AQSh dollaryn tóleý qajet bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir