Kórneki sýret
Túrkistan oblysy polısııa departamenti 15 jastaǵy qyzdy alyp qashý oqıǵasyna qatysty sotqa deıingi tergeý jumystary bastalǵanyn habarlady.
"Shymkent turǵynynyń kámeletke tolmaǵan qyzyn úılený maqsatynda alyp qashqany týraly aryzy boıynsha, Jetisaı aýdanynyń polısııasy QR Qylmystyq kodeksiniń 122-babymen (On alty jasqa tolmaǵan adammen jynystyq qatynas nemese seksýaldyq sıpattaǵy ózge de áreketter jasaý) sotqa deıingi tergep-tekserýdi bastady. Qazirgi kezde tıisti saraptama taǵaıyndaldy. Qajetti tergeý áreketteri júrgizilip jatyr. Is Túrkistan oblysy PD baqylaýyna alyndy", delingen vedomstva habarlamasynda.
Buǵan deıin NeMolchı qorynyń jetekshisi Dına Tańsári Jetisaıda 15 jastaǵy qyzdy alyp qashqany týraly aqparat jarııalaǵan. Belgili bolǵandaı, qyzdyń anasy alyp qashqandardan qalyń mal retinde 600 myń teńge alyp, olarǵa keshirim bergen. Atalǵan jaǵdaıdy áleýmettik jeli arqyly estigen qyzdyń ákesi polısııaǵa aryzdanǵan. Ákesi qyzyn tanymaıtyn jigitke erkinen tys turmysqa bergenin aıtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir