• USD 468.56

  • EUR 497.56

  • RUB 7.3

  • CNY 67.18

03 Aqpan, 11:02:21
Almaty
+3°

Belgili kompozıtor, Qazaqstannyń eńbek sińirgen qaıratkeri, telejúrgizýshi Arman Dúısenov ómirden ótti.

ZTB jelilik basylymynyń dereginshe, sazger júrek talmasynan qaıtys bolǵan.

Arman Narymbaıuly Dúısenov 1974 jyly Oral qalasynda dúnıege kelgen. Qurmanǵazy atyndaǵy memlekettik konservatorııany orkestr ártisi mamandyǵy boıynsha támámdaǵan. Budan bólek álemdik klassıkalyq mýzyka, folklorlyq etnografııa baǵyttary boıynsha kásibiı bilim alǵan.

Eńbek joly 1990 jyly Pavlodar qalasynda ótken HHII respýblıkalyq jas oryndaýshylar baıqaýynda jeńiske jetkennen keıin bastalǵan. Túrli janrda án shyǵaryp, biraz ánderin ózi de oryndaǵan.

Tanymal telebaǵdarlamalarda prodıýser, telejúrgizýshi bolyp, medıakeńistikte óz ornyn alǵan.

Sońǵy jyldary biraz ýaqyt "Qazaqkonsert" birlestigi basshysynyń orynbasary bolyp qyzmet etti.

Suhbattarynyń birinde karantın kezinde aqyn Abaı Qunanbaıulynyń árýaǵyna arnap aqyn Iran Ǵaıyptyń óleńine eki án jazǵanyn aıtqan.

Altynaı Jorabaevanyń oryndaýyndaǵy "Aǵajan" áni, Ulyqpan Joldasovtyń oryndaýyndaǵy "Shattyǵym sensiń" jáne Dınara Qyryqbaevamen birge salǵan "Ustazym meniń" áni ony kompozıtor retinde kópke tanytqan.

Kompozıtor qazaqtyń tól óneri men búgingi nemese keshegi klassıkalyq ónerdiń ozyq úlgilerin kásibı túrde ushtastyryp, qazaqtyń mýzyka ónerin damytýdy jalǵastyrýdy kásibı ómiriniń ózekti taqyryby dep bilgen.

"Qamshy" silteıdi
Ilmek sózder: Arman Dúısenov

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir