Foto: Ashyq derekkóz
20 qańtarda zańger Serjan Pralıev áskerge shaqyrylýshynynyń ózine qol jumsaý faktisine baılanysty qylmystyq is boıynsha baspasóz máslıhatyn ótkizip, tergeý barysynda anyqtalǵan keı jaıttar týraly habarlaǵan bolatyn. Ishki ister mınıstrligi advokat áreketin qyzmettik etıka normalaryn buzý dep baǵalap otyr.
"Ol óz tujyrymdary men shyndyqqa sáıkes kelmeıtin joramaldaryn qosyp, qylmystyq istiń derekterin jarııa etti. Qylmystyq-prosessýaldyq kodekstiń 201-babyna sáıkes sotqa deıingi tergep-tekserý derekteri jarııalaýǵa jatpaıdy” delingen aqparatta.
Advokattyń qyzmettik etıka normalaryn buzý faktisi boıynsha materıaldar qylmystyq qýdalaý organynda belgilengen tártippen tirkelip, ádilet mınıstrligine qyzmettik tergeý júrgizý úshin joldanǵan.
Keshe zańger Serjan Pirálıev Jambyl oblysynda áskerı boryshyn óteý kezinde ózine qol salǵan 18 jastaǵy Bekbol Mırashtyń qazasyn tergeý kezinde sarbaz ólimine birneshe adam zorlyq kórsetkeni sebep bolǵany anyqtalǵanyn, tergeý organdary keı derekterdi elemeı otyrǵanyn aıtqan.
Búginde atalǵan fakti boıynsha bólim komandıri qamaýǵa alynyp, oǵan qatysty "aýyr zardapqa ákep soqtyrǵan bılikti asyra paıdalaný" baby boıynsha sotqa deıingi tergeý júrip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir