• USD 468.56

  • EUR 497.56

  • RUB 7.3

  • CNY 67.18

29 Naýryz, 11:02:53
Almaty
+35°

Álıhantanýshy-ǵalym Sultan Han Aqquly 19 naýryzda bolatyn májilis saılaýyna bir mandattyq okrýgten túsýge bel baılaǵanyn habarlady. Ǵalym bul týraly Facebook paraqshasynda jetkizdi:

QURMETTI DOSTAR, ALASh URPAǴY!
Men, Sultan Han Aqqululy Júsip, búgin, 2023 jyldyń 23 qańtarynda, Astana boıynsha № 1 aımaqtyq (okrýjnoı) saılaý komıssııasyna ózimdi QR Parlamenti Májilisiniń depýtattyǵyna táýelsiz úmitker retinde tirkeý týraly ótinish tapsyrdym.

Aldaǵy kezekti kezekten tys saılaý keshegi ZULYMDYQ IMPERIIаSY (SSSR) men adamzattyń, qazaqtyń qas jaýy - KOMMÝNISTIK DIKTATÝRADAN bizge mura bolyp qalǵan eski de jańa bıliktiń «Estıtin memleket» jáne «Jańa Qazaqstan» turǵyzamyz degen ýádesin oryndaıtyn-oryndamaıtynyn aıqyndaıdy degen oımen, men saılaýǵa úmitker bolyp qatysýǵa bel býdym.

AQORDA men ol taǵaıyndaǵan jergilikti ÁKIMDERDIŃ SAILAÝ BARYSYNA ZAŃSYZ ARALASATYNYNA, burynǵydaı óreskel bolmasa da, ÁKIMShILIK RESÝRSTY QOSYP, SAILAÝ NÁTIJESIN bıliktiń qolynan jem jegen ÚMITKERLER MEN BILIK PARTIIаLARY TIZIMDERINIŃ ÚLESINE QARAI BURMALAITYNYNA ESh KÚMÁN JOQ. Biraq BILIK BUQARA HALYQTYŃ 2019 jyldyń erte kóktemine deıingi ÚRKEK, QORQAQ, JIGERSIZ TOBYR EMES EKENIN UMYTPAÝY KEREK. Bul – ózi saılamaǵan bılikke qarsy shyqqan beıbit narazylyǵy 2011 JYLDYŃ JELTOQSANYNDA JAŃAО́ZENDE, 2022 JYLDYŃ QAŃTARYNDA búkil Respýblıkada AIаÝSYZ QANTО́GISPEN BASYP-JANShYLǴAN HALYQ.

Iıa, beıbit narazylyq aıaýsyz qantógispen basyp-janshyldy, biraq odan HALYQTYŃ ASQAQ, AZAT RÝHY sý sepkendeı óshken joq, basylǵan joq.

SAILAÝ NÁTIJESIN BURMALAÝ – ol BILIKTI BASYP ALÝ men ÝZÝRPASIIаLAÝ! Endeshe biz, HALYQ, eshkimniń BILIKTI BASYP ALÝY men ÝZÝRPASIIаLAÝYNA burynǵydaı jol bermeýimiz kerek.

Bıliktiń jalǵyz kózi – HALYQ! - dep Ata zańymyzda oıyp jazylǵan. Endeshe óz bıligimizdi burynǵydaı ustaǵannyń ýysynda, tistegenniń aýyzynda kete berýine jol bermeıik, ózimiz QALAǴANYMYZDY SAILAIYQ!

Bizdiń BAQYTTY DA KEMELDENGEN BOLAShAǴYMYZ, elimizdiń JEMQORLYQSYZ, TAMYR-TANYSTYQSYZ, RÝShYL-JÚZShILSIZ jáne KELEShEKKE ALAŃDAMAI ADYMDAP DAMÝYMYZ BEN GÚLDENÝIMIZ óz qolymyzda!

BIZDIŃ TAǴDYRYMYZ – О́Z QOLYMYZDA!

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir