• USD 468.56

  • EUR 497.56

  • RUB 7.3

  • CNY 67.18

03 Aqpan, 10:51:46
Almaty
+3°

Qazaqstandaǵy qorǵanys salasyn reformalaý, áskerdiń materıaldyq-tehnıkalyq bazasyn kúsheıtý týraly jıi sóz qozǵalady. Ýkraınadaǵy soǵysta Reseıdiń tankileri dron soqqysyna shydas bermeı, kóp qarýy iske alǵysyz bolyp jatqanda, áskerin Reseıge qarap túzep, negizinen solardyń qarýymen jaraqtandyryp otyrǵan Qazaqstan qarýly kúshteriniń soǵys qabileti de belgili bola bastady. Oǵan qosa áskerdegi álimjettik joıylýdyń ornyna asqynyp tur. Sarbazdar arasyndaǵy sýısıd sońǵy ýaqytta jıilep ketti.

Al búgin osydan birneshe aı buryn ózine qol salǵan jas sarbazdyń isine baılanysty adam shoshyrlyq derekter shyqty. Marqum advokatynyń aıtýynsha, saraptama sarbazdyń aýyz qýysynan, ish kıiminen, fýtbolkasynan birneshe adamnyń spermasynyń izderi baryn kórsetken.

Qorǵaýshy Serjan Pralıev tergeý oryndary osynyń ózine kóz juma qarap otyr deıdi. Beıbit kúnde balasynan aıyrylyp otyrǵan ata-anaǵa istegi mundaı derekterdi estý qalaı qıynǵa soqqanyn elestetýdiń ózi aýyr.

Qorǵanys mınıstrligi bolsa, áskerdegi álimjettikti udaıy joqqa shyǵarady. Otan qorǵaýshylar qazasyna jaýapkershilik almaq túgili sarbazdar ólimin áskerdegi hal-ahýalmen baılanystyrǵysy kelmeıdi.

Vedomstvony búginde general Rýslan Jaqsylyqov basqarady. Ol kópshilikke áskerı saldaǵy isterinen buryn, qazaqshaǵa shorqaqtyǵymen, qazaqshasyn synaǵandarǵa "ókpeleseń kóship ket" degenimen tanys.

Aqyn Aıgúl Jumadil buǵan deıin Jaqsylyqovty mınıstrlikke túbegeıli reforma jasamasa da, tym bolmaǵanda áskerdegi kisi ólimin toqtatatyndaı shara jasaı almady dep aıyptaǵan.

"Kósheden qýyp júrip ustap alyp, áskerge áketkendegi tyndyratyndaryńyz ash-jalańash uryp-soǵyp, odan qaldy úıinen, týǵan-týysynan aqsha suratyp, ol az bolǵandaı óltirip, ulyn kútip otyrǵan úıge máıitin aparyp berý me? Áskerı tártip qaıda? Tálim qaıda? Tárbıe qaıda? Odan da sol kóshede óz nandaryn ózderi taýyp jep, aman-saý júre bersin. Tıispeńizder! Qan qaqsaǵan qara halyq baıaǵy! Mınıstrlerdiń, depýtattardyń, sheneýnik, ákimderdiń de balalary dál osy ásker qatarynda júr me, álde? Oǵan qatty kúmánim bar! Basy aýyrmaǵannyń qudaımen isi joq,-dep óz balalaryńyzdyń qarny toq, uıqysy tynysh jalǵandy jalpaǵynan basyp júrgesin de, beıbit kúnde mezgilsiz qaza bolǵan ulynyń tabytyn qushaqtaǵan ananyń zaryn qaıdan uǵasyzdar sizder?!" deıdi aqyn.

Áskerdegi máselelerge aralasyp júrgen sarapshy "Soldat analary komıtetiniń" jetekshisi Zınaıda Chıvıleva da shendi-shekpendiniń balasy áskerge barmaıtynyn, al qorǵanys mınıstrligindegiler óz kreslosy úshin ǵana alańdaıtynyn aıtady.

Qorǵanys salasyndaǵy bylyq munymen bitpeıdi. Búgin ǵana qorǵanys mınıstrligine qarasty departament basshysy iri kólemde paramen ustalǵany habarlandy. Mınıstrlik munda da ózine shań jýytpaı, kúdikti ustalǵanǵa deıin mınıstrlikten qyzmetten shyǵyp ketkenin habarlady. Tizesi ábden shyqqan keıingi datamen jumystan shyǵaryp jiberý ádisi bul jerde de qoldanylǵan syńaıly.

Qorǵanys salasyna basshy bolǵan tup-týra bir jylda birneshe sarbazdyń ólimine jol berip, qol astyndaǵy qyzmetkerleri paramen ustalyp otyrǵan Rýslan Jaqsylyqovty "otstavkaǵa ketsin" dep jatqandar barshylyq. Buǵan ne deısiz, oqyrman?

Jaýap nusqalary:

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir