• USD 468.56

  • EUR 497.56

  • RUB 7.3

  • CNY 67.18

03 Aqpan, 10:15:28
Almaty
+3°

Sybaılas jemqorlyqqa qarsy is-qımyl agenttiginiń baspasóz qyzmeti Qorǵanys mınıstrligi departamentiniń basshysy paramen ustalǵanyn habarlady.

"Sybaılas jemqorlyqqa qarsy qyzmet Qazaqstan Respýblıkasy Qorǵanys mınıstrliginiń qurylymdyq bólimshesiniń basshysyna qatysty sotqa deıingi tergep-tekserýdi bastady. Qorǵanys vedomstvosynyń aqparattandyrý departamenti bastyǵynyń m.ý.a. beınekonferensbaılanys jabdyǵyn jetkizý merzimderin buza otyryp, qabyldaý-tapsyrý aktisine kedergisiz qol qoıǵany úshin jetkizýshiden 20 000 AQSh dollary somasynda para aldy dep kúdiktelýde" agenttik habarlamasynda.

Kúdikti ustalyp, Astana qalasynyń tergeý sotynyń sanksııasymen qamaýǵa alynǵan.

Qorǵanys mınıstrligi atalǵan derekke dereý pikir bildirdi. Mınıstrlik habarlamasy ózin aqtaýdyń "úırenshikti ádisine" kóbirek keledi.

Qorǵanys mınıstrligi vedomstvoǵa qarasty Aqparattyq tehnologııalar departamenti bastyǵynyń mindetin ýaqytsha atqarýshy azamattyq qyzmetshini ustaǵanyn rastaıdy, biraq ol ustalǵanǵa deıin qorǵanys vedomstvosynyń quramynan shyǵyp ketken eken.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir