Foto: Ashyq derekkóz
Májilis depýtaty, "Aq jol" partııasynyń múshesi Azamat Ábildaev Azattyq radıosyna bergen suhbaty kezinde Reseı-Ýkraına soǵysynda Máskeýdiń pozısııasyn qoldaıtynyn aıtty.
"Men Reseı prezıdentin qoldaımyn. Muny Ýkraınadaǵy arnaıy operasııa dep esepteımin. Meniń oıymsha, Ýkraına halqy osy jazda Zelenskııdi óz qolymen ustap, sotqa beredi", dedi depýtat.
Jýrnalıst depýtattyń aıtqanyna senińkiremeı, qaıtalap "Shynymen Reseıdi qoldaısyz ba? Qazir Ýkraınadaǵy turǵyn úılerge shabýyl jasalyp, beıbit turǵyndar qyrylyp jatyr. Halyqaralyq uıymdar Reseıge sanksııa salyp jatyr", dep suraq qoıdy. Alaıda depýtat óz pikirin ózgertpedi.
"Siz soǵys dep aıtasyz. Endi soǵysta "ne ızbejat". Pýtındi búkil álem aıyptap jatqan joq. Men taǵy qaıtalap aıtamyn Ýkraınada ótip jatqan arnaıy operasııany qoldaımyn", dedi depýtat jýrnalıstiń suraǵyna.
Azamat Ábildaev Parlamentte ózi sekildi Reseıdi qoldaıtyn 2-3 adam baryn jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir