18 Qańtar, 2023 NEWS
Kórneki sýret
Almaty qalasy Bostandyq aýdanynyń №2 aýdandyq sotynda azaptaý faktisi boıynsha úsh polısııa qyzmetkerine sot úkimi shyqty.
Qalalyq sot habarlasamyna sáıkes, azaptalǵan azamat ótken jyldyń qańtar aıynda tótenshe jaǵdaı kezinde avtokólikti zańsyz ıemdendi degen kúdikpen polısııa bólimshesine jetkizilgen. Q. esimdi polısııa qyzmetkeri kúdiktini tergep-tekserý úshin eki áriptesine tapsyrǵan. Olar kúdikti tártipsizdikterge qatysty dep oılap, zardap shekken áriptesteri úshin kek alý maqsatymen ony azaptaǵan.
Osy derekke baılanysty úsh polıseı jaýapqa tartylyp otyr. Biri qylmystyq quqyq buzýshylyq jasalǵanyn bile tura, basshylyqqa jetkizbedi dep aıyptalsa, eki polıseı azaptaý faktisi boıynsha kináli dep tanylǵan.
Kúdikti polıseılerge jaza taıyndarda sot múliktik zalal men moraldyq zııandy erikti túrde óteý, jas balalarynyń bolýyn eskergen.
Sot úkimine saı, azaptaýshy qos polıseı 3 jylǵa bas bostandyǵynan aıyryldy. Sondaı-aq olarǵa 3 jyl merzimge memlekettik qyzmette isteýge shekteý qoıyldy. Al quqyqbuzýshylyqty bilip, basshylyqqa aıtpady dep aıyptalǵan polıseı ómir boıyna memlekettik qyzmetten shettetilip, 1,6 jyl merzimge bas bostandyǵynan aıyryldy.
Polıseılerge atalǵan aıyptar boıynsha qylmystyq kodekste kózdelgen jazanyń tómengi túri taǵaıyndalǵanyn aıta ketken joq. Qylmystyq kodekske saı, azaptaý faktileri úshin 3 jyldan 7 jylǵa deıin, quqyqbuzýshylyqty bile tura habarlamaǵany úshin 3 jylǵa deıin bas bostandyǵynan aıyrý jazasy qarastyrylǵan.
Sot úkimi ázirge zańdy kúshine engen joq.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir