Foto: Ashyq derekkóz
Bas prokýratýranyń orynbasary Arqankergende 15 adamdy óltirdi dep aıyptalyp, 15 jylǵa sottalǵan Vladıslav Chelahtyń aryz-shaǵymyn qarap jatqanyn habarlady. Alaıda Áset Shyndalıev shaǵymnyń mán-jaıyn ashyp aıtpady.
Elmedia saıtynyń dereginshe, Vladıslav Chelahty 2 kún boıy bas prokýratýra qyzmetkerleri tergeýge alǵan. Bul týraly Chelahtyń anasy habarlaǵan.
"Onyń shaǵymyn qarap jatyrmyz. Qorytyndysyn sizdermen bólisetin bolamyz. Eshqandaı tergeý bolmady", dedi Áset Shyndalıev Úkimet kýlýarynda.
Ol Chelahtyń shaǵymy týraly naqty eshteńe aıtpady. Tek "Qalasa Chelahtyń ózi aıtyp bersin" dep jaýap qaıtardy.
Buǵan deıin Azattyq radıosy Vladıslav Chelah "Arqankergen" beketindegi 15 adamnyń ólimine qatysty jaǵdaıdy túsindirýge daıyn ekenin málimdep, prezıdent Q.Toqaevqa hat jazǵanyn habarlaǵan. Ol hatta "jasamaǵan qylmysy úshin" ómir boıyna qamalǵanyn jáne shekara beketine shabýyl bolǵanyn aıtqan. Chelahtyń týystary hatty elektrondy túrde prezıdent atyna joldap, hat qańtarda qaralady degen jaýap alǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir