Qandaı sheteldik kólikti zańdastyrýdyń qajeti joq?

Zańdastyrýǵa jatpaıtyn shetelden ákelingen kólik túrleri ataldy, dep habarlady QazAqparat.

"Sheteldik kólikterdi zańdastyrýdyń Úkimet bekitken erejesi men talabynyń bızneske arnalǵan avtokólikterge qatysy joq. Onyń qatarynda júk tasıtyn aýyr kólikter men avtobýstar bar" dedi Astana qalasy Polısııa departamenti Ákimshilik polısııa basqarmasynyń bastyǵy Eljan Chýpekov atalǵan vedomstvoda ótken baspasóz máslıhatynda.

Spıkerdiń málimetinshe, zańdastyrý prosesi syrt elden ákelingen elıtalyq avtomobılderge de qatysy bar.

"Aýyr júk kólikteri men avtobýstar nelikten zańdastyrýǵa jatpaıtynyn jıi surap jatady. Onyń sebebi – atalǵan kólik túrleri kommersııalyq, ıaǵnı bızneske arnalǵan transport. Degenmen atalǵan avtokólik túrleri jeke maqsatta qoldanylatyn bolsa onda zańdastyrýǵa jatady" dep túsindirdi polısııa departamentiniń ókili.