• USD 468.56

  • EUR 497.56

  • RUB 7.3

  • CNY 67.18

03 Aqpan, 12:14:26
Almaty
+3°

Tirkelmegen "Demokratııalyq partııa" jetekshisi Janbolat Mamaı Ulybrıtanııadan kelgen komıssııa múshelerimen kezdesýge baılanysty ótinish jasady. Alaıda sot onyń ótinishin qabyldamaǵan. Bul týraly onyń zaıyby Inga Imanbaı habarlady.

"2022 jylǵy 2 qarashada sot Mamaıdyń bultartpaý sharasyn úı qamaǵyna aýystyrǵan. Janbolat Mamaıǵa jaqyn týystarynan basqa adamdarmen kezdesip, qarym-qatynas ornatýǵa tyıym salynǵan. Sýdıa Elena Kvan sol sebeptermen ótinishti qabyldaýdan bas tartqan. Iá, keshe Ulybrıtanııadan Ken Makdonald bastaǵan komıssııa keldi. Komıssııa músheleri 19 qańtarda "Qańtar" oqıǵasynda jábirlenýshilermen, jýrnalıstermen jáne Janbolat Mamaımen kezdesýdi josparlaǵan bolatyn" dep jazǵan Inga Imanbaı óziniń facebook paraqshasynda.

Sondaı-aq sýdıa Janbolat Mamaı qorǵaýshylarynyń sotty oflaın formatta ótkizý týraly ótinishin de qabyldamaǵan. 

"Janbolat ózin telefon arqyly qorǵaýǵa májbúr. Elimizde koronavırýstyń órshýi jáne pandemııalyq ahýal baıqalmaıdy. Al Janbolat Mamaı sotynyń onlaın túrde ótýine ne sebep ekeni aqylǵa qonymsyz" deıdi Inga Imanbaı.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir