• USD 468.56

  • EUR 497.56

  • RUB 7.3

  • CNY 67.18

03 Aqpan, 10:45:52
Almaty
+3°

Aqtóbe oblysy Prezıdenttiń Saılaýaldy baǵdarlamasyndaǵy aýyl turǵyndarynyń tabysyn arttyrý jónindegi bastamalaryn júzege asyrýǵa alǵashqylardyń biri bolyp kiristi. Bul jumysqa «AMANAT» partııasy belsendi atsalysýda. Búgin partııa Tóraǵasy Erlan Qoshanov óńirdegi sharýa qojalyqtarynyń ókilderimen kezdesip, «Aýyl amanaty» jobasynyń jańa kezeńin júzege asyrýdy talqylady jáne «Qarjylyq saýattylyqty arttyrý» jańa partııalyq jobasyn iske qosty.

Aqtóbe qalasynda Aýyl sharýashylyǵy mınıstri Erbol Qarashókeevtiń, oblys ákimi Eraly Toǵjanovtyń jáne memlekettik organdar ókilderiniń, óńirdegi aýyl sharýashylyǵy taýaryn óndirýshilerdiń qatysýymen «Aýyl amanaty» jobasyn iske asyrý máseleleri boıynsha keńes ótti. Oǵan barlyǵy 200-den astam adam qatysty.

Foto: «AMANAT» partııasynyń baspasóz qyzmeti 

Partııa Tóraǵasy Erlan Qoshanov Prezıdent Qasym-Jomart Toqaev óziniń saılaýaldy baǵdarlamasynda aýyl máselesin birinshi kezekke qoıyp otyrǵanyn atap ótti. Jalpy, aldaǵy 7 jylda aýyl turǵyndarynyń tabysyn arttyrýǵa 1 trıllıon teńge bólý josparlanyp otyr. Sonyń nátıjesinde aýyl sharýashylyǵynda 350 myńnan astam jumys orynashylady dep kútilýde.

Foto: «AMANAT» partııasynyń baspasóz qyzmeti

«Aýyl halqynyń turmysyn jaqsartyp, tabysyn arttyrý, barlyq áleýmettik máselelerdi shuǵyl sheshý úshin Úkimet «AMANAT» partııasymen birlesip «Aýyl amanaty» jobasyn iske asyrýda. Bıyldyń ózinde ony júzege asyrýǵa 52 mıllıard teńge bólindi. Partııa janynan ádisnamalyq súıemeldeýdi, azamattar men ákimderdi oqytýdy, ótinimderdi qabyldaý jáne qarajatty bólý prosesiniń monıtorıngin qamtamasyz etetin Jobalyq keńse ashyldy. Bul – aýyldardy kóterýge múmkindik beretin naqty qadam», - dedi Erlan Qoshanov.

Ol jobanyń pılottyq úlgisi Jambyl oblysynda jemisti júzege asyrylǵanyn, nátıjesinde 11 aýyldyq okrýgte ortasha aılyq tabys 1,7 ese óskenin, ataýly áleýmettik kómek alýshylar sany 3 esege azaıǵanyn, jumyssyzdar sany 36% tómendegenin atap ótti. «AMANAT» partııasy men Úkimettiń mindeti –  «Aýyl amanaty» jobasyn barlyq óńirge engizý. Jobanyń barlyq artyqshylyǵy týraly halyqty durys habardar etý de mańyzdy.

«Aýyl amanaty» jobasy aıasynda nesıe alýdyń yńǵaıly ári jyldam bolýyna erekshe nazar aýdarylady. О́tinim ESQ arqyly arnaıy sıfrlyq platformada onlaın beriledi. Sonymen qatar, eger buryn nesıeni maquldaý úsh aptaǵa sozylsa, qazir ol eń kóp degende úsh saǵatqa sozylýy kerek. Qajetti málimetter barlyq qol jetimdi derekqorlardan avtomatty túrde jınalady. Qazirgi ýaqytta sıfrlyq platforma pılottyq rejımde jumys isteıdi.

Foto: «AMANAT» partııasynyń baspasóz qyzmeti

Osy kúni Erlan Qoshanov Mártók aýdanynyń turǵyndarymen, «Aýyl amanaty» jobasynyń qatysýshylarymen kezdesip, jobanyń negizgi baǵyttary týraly aıtyp, turǵyndardyń suraqtaryna jaýap berdi. Partııa Tóraǵasynyń qatysýymen alǵashqy qaryz resimdeldisharýa qojalyqtarynyń biriniń basshysy Táńirbergen aýylynyń turǵynyna 4 mln teńgege taýarlyq nesıe berdi.

Foto: «AMANAT» partııasynyń baspasóz qyzmeti

Sondaı-aq, Mártók aýdanynda aýyl turǵyndarynyń qarjylyq saýattylyǵyn arttyrýǵa baǵyttalǵan «Qarjylyq saýattylyqty arttyrý» partııalyq jobasy bastaldy.

«Bul aýyl turǵyndaryn alaıaqtardyń yqpalynan, qarjy pıramıdalaryna aldanyp qalýdan jáne basqa da kúmándi qarjylyq operasııalardan qorǵaýǵa kómektesedi. Mundaı jaǵdaılarǵa tap bolǵan adamdarǵa konsýltasııalyq kómek kórsetiledi. Aldaǵy ýaqytta 166 qarjy sarapshysy 250 myń adamdy qamtı otyryp, elimizdshalǵaıyndaǵy barlyq eldi mekendi aralap shyǵady. Oqytýdyń bir kýrsy 5 kúnge sozylady», - dedi partııa Tóraǵasy.

Barlyq kezdesýde Erlan Qoshanov aýyldy damytý – Memleket basshysy saıasatynyń basty basymdyǵy ekenin atap ótti. Buǵan qomaqty qarjy bólinedi. Aýyldardyń ınfraqurylymyn – joldardy, densaýlyq saqtaý, bilim berý júıelerin jáne t.b. aıtarlyqtaı jaqsartý josparlanýda. Jumys oryndary ashylýda. Al «AMANAT» partııasy Prezıdent baǵytynyń qoǵamdyq tiregi retinde osy mindetterge qoldaý kórsetý úshin óziniń barlyq resýrsyn jumyldyrýǵa nıetti. Partııa fılıaldary osy baǵytta jumys isteıdi.

Foto: «AMANAT» partııasynyń baspasóz qyzmeti

«AMANAT» partııasynyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir