• USD 468.56

  • EUR 497.56

  • RUB 7.3

  • CNY 67.18

03 Aqpan, 10:41:42
Almaty
+3°
Almatyǵa Qańtar oqıǵasyn jáne Janbolat Mamaıdy qylmystyq qýdalaý isin tergeý boıynsha Ulybrıtanııa Lordtar palatasynyń múshesi Ken Makdonald (Lord Macdonald KT KC of River Glaven) bastaǵan Komıssııa ókilderi keldi. Bul týraly quqyqqorǵaýshy, jýrnalıst Inga Imanbaı habarlady.
 
 
"Komıssııa quramynda halyqaralyq quqyqtyq kómek kórsetý kompanııasy Bindmans LLP jetekshisi Taıab Alı men basqa da arnaıy mamandar da kelip jetti. Birneshe kúnnen keıin Almatyǵa Komıssııanyń taǵy bir múshesi - Ulybrıtanııa parlament depýtaty ser Robert Baklend te at basyn burmaq. Birneshe kúnniń ishinde Komıssııa músheleri Qańtar oqıǵasyna qatysýshylarmen, azaptaý qurbandarymen, qasiretti kúnderi týǵan-týysynan aırylǵandarmen jáne birqatar quqyq qorǵaýshylarmen, jýrnalıstermen de kezdespek. Sonymen birge, Komıssııa ókilderi qazirgi tańda úı qamaqta otyrǵan Janbolat Mamaımen de sóılesýdi josparlap otyr. Buǵan baılanysty Mamaı taraby sotqa arnaıy qaǵazdy da joldady. Odan bólek, Komıssııa Astanaǵa baryp, Qazaqstannyń laýazymdy ókilderimen de kezdespek. Osy aptada Almatyda Komıssııa ókilderi arnaıy baspasóz máslıhatyn ótkizip, qazaqstandyq jýrnalısterdiń saýaldaryna da jaýap beretini de belgili" delingen Inga Imanbaıdyń facebook paraqshasyndaǵy jazbada. 
 
Sondaı-aq quqyqqorǵaýshy Qazaqstanǵa Ulybrıtanııa parlamenti depýtattary qurǵan Komıssııanyń kelýi halyqaralyq qaýymdastyq eldegi jappaı adam quqyǵyn buzý jaǵdaılaryna kóz jumyp qaramaıtynyn bildiretinin, Adam quqyqtary men zańdylyqty saqtaý jónindegi Qazaqstan halyqaralyq bıýro óz tarapynan Komıssııa jumysyna jan jaqty kómek berýge ázir ekenin jetkizgen.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir