Senat saılaýynyń aldyn ala qorytyndysy jarııalandy

Qazaqstan Respýblıkasy Parlamenti Senatynyń depýtattaryn  saılaýda daýys berýdiń aldyn ala nátıjeleri shyqty, dep habarlaıdy OSK.

Astanada Parlament Senaty tóraǵasynyń keńesshisi Bıbigúl Jeksenbaı 62,1 paıyz daýys jınady.

Almatyda "Almaty qalasyn damytý ortalyǵy" AQ basqarma tóraǵasynyń keńesshisi Janna Asanova 62,2 paıyz daýys jınady.

Shymkentte 76,7 paıyz daýys jınap, qazirgi senator Nurlan Beknazarov jeńiske jetti.

Aldyn ala málimet boıynsha, Abaı aýdanyboıynsha depýtat bolyp Semeı qurylys kolledjiniń dırektory Qaırat Tastekeev saılandy. Ol saılaýshylardyń 82,4 paıyz daýysyn jınady.

Almaty oblysynda senator Janbolat Jórgenbaev 83,2 paıyz daýys jınap, jeńiske jetti.

Atyraý oblysynda Atyraý oblystyq máslıhatynyń hatshysy Álibek Náýtıev 68,6 paıyz daýys jınady.

Batys Qazaqstan oblysynda Batys Qazaqstan oblysy ákiminiń birinshi orynbasary Arman О́teǵulov 74,7 paıyz daýys jınady.

Jetisý óńirinde qazirgi Parlament Senaty depýtaty Amangeldi Tolamısov 76,3 paıyz jınady.

Qaraǵandy ​​oblysynda Qaraǵandy ​​oblystyq máslıhatynyń hatshysy Serik О́teshov 78,2 paıyz daýys jınap, Senat depýtaty atandy.

Qostanaı oblysynda Qostanaı oblysy ákimi apparaty Bas basqarmasynyń birinshi orynbasary Ǵaýez Nurmuhambetov 83,1 paıyz daýys jınady.

Qyzylorda oblysynda Qyzylorda oblysynyń mádenıet jáne sport basqarmasynyń basshysy Rýslan Rústemov 67,4 paıyz daýys jınady.

Mańǵystaý oblysynda Mańǵystaý oblysy ákiminiń birinshi orynbasary Bekbol Orynbasarov 72 paıyz daýys jınady.

Pavlodar oblysynda "Pavlodar oblysy máslıhatynyń apparaty" MM oblystyq máslıhatynyń hatshysy Ernur Áıtkenov 87,1 paıyz daýys jınady.

Soltústik Qazaqstan oblysynda 80,4 paıyz daýys jınaǵan Bilim mınıstrligi Orta bilim komıtetiniń tóraǵasy Gúlmıra Kárimova jeńiske jetti.

Ulytaý óńirinde Medebaev Sovetbek 61,7 paıyz daýys jınady.

Shyǵys Qazaqstan oblysynda Shyǵys Qazaqstan oblysy ákiminiń orynbasary Shákárim Buqtuǵytov 86 paıyz daýys jınady.

Aqtóbe oblysynda Aqtóbe oblystyq máslıhatynyń hatshysy Amangeldi Nuǵmanov 83,1 paıyz daýys jınady.