Reseıde prezıdent saılaýyna daıyndyq bastalǵany habarlandy

Reseıde prezıdent saılaýyna daıyndyq bastaldy. Bul týraly reseılik Komersant basylymy habarlady. Basylym derekti prezıdent ákimshiliginen alǵanyn jazǵan. 

Basylym dereginshe, prezıdent saılaýyna qazirgi prezıdent Vladımır Pýtın de qatysady. 

"Jaqynda ákimshilik ókilderi sarapshylar qaýymdastyǵymen aqyldasyp, jıyn ótkizdi. Federasııa merziminen buryn saılaýdy 2023 jyldyń sońynda ótkizýi múmkin. Oǵan deıin Kreml bıyl ótetin aımaqtyq saılaýdy muqııat qadaǵalaıtyn bolady", – delingen derekkózde. 

Negizi merzim boıynsha Reseıdegi prezıdent saılaýy 2024 jyldyń naýryz aıynda ótýi kerek. Al saılaý naýqany Federasııa Keńesi resmı túrde taǵaıyndaǵannan keıin bastalady.