• USD 468.56

  • EUR 497.56

  • RUB 7.3

  • CNY 67.18

07 Aqpan, 03:44:02
Almaty
-2°

Naýryz aıynan bastap qazaqstandyqtar ózderin bankrot dep jarııalaı alady. Bul týraly premer-mınıstr orynbasary – qarjy mınıstri Erulan Jamaýbaev málimdedi. 

"2022 jylǵy 30 jeltoqsanda "Qazaqstan Respýblıkasy azamattarynyń tólem qabilettiligin jáne bankrottyǵyn qalpyna keltirý týraly" zańǵa qol qoıyldy. Zań 1 qańtarda resmı túrde jarııalandy. Bankrottyq týraly ótinishterdi qabyldaý 3 naýryzdan bastalady", - dedi Erulan Jamaýbaev.

Halyqaralyq tájirıebege saı bankrottyq rásim 3 baǵyt boıynsha júzege asady. 

  • sottan tys bankrottyq;
  • sot arqyly bankrottyq;
  • qabilettiligin qalpyna keltirý.

Sottan tys bankrottyq rásimdi bankter, mıkroqarjy uıymdary jáne kollektorlyq agenttikter aldyndaǵy qaryzdar boıynsha qoldanýǵa bolady.

Alaıda tómendegi sharttar saqtalýy tıis:  

  • borysh 5,5 mln teńgeden (1600 AEK) aspaıdy; 
  • kredıt 12 aı boıy ótelmegen bolsa;
  • menshiginde tirkelgen múlik, onyń ishinde ortaq menshiktegi múlik bolmaǵan jaǵdaıda;
  • bankpen retteý júrgizilý kerek. 
Ekinshi rásim – sot bankrottyǵy. Sot bankrottyǵynyń maqsaty – bankrottyń múliktik massasy esebinen kredıtorlardyń talaptaryn barynsha qanaǵattandyrý. Bul rásimdi qarjy basqarýshylary júzege asyrady, olardyń quramyna jumys istep turǵan ákimshiler, kásibı býhgalterler, zań keńesshileri men aýdıtorlar kiredi.
 
Úshinshi rásim, bul – tólem qabilettiligin qalpyna keltirý, onda sot arqyly boryshty bólip-bólip tóleý (5 jylǵa deıin) múmkindigi kózdeledi. Onyń artyqshylyǵy - azamat "bankrot" dep sanalmaıdy. Demek, bankrot úshin kózdelgen saldarlar oǵan qoldanylmaıdy.
 
"Zań kúshine engennen keıin azamattardyń da jaýapkershiligi artady. Aldaǵy ýaqytta jyldam qaryz alý úshin kredıt tarıhynyń durys bolýyna azamattardyń ózderi múddeli bolýy tıis. Bankrot dep moıyndaý qaryzdardy tólemeı ketý emes, tek sharasyz jaǵdaıdaǵy kómek ekenin árkim bilýi kerek" dep qorytyndylady mınıstr.
"Qamshy" silteıdi
Ilmek sózder: bankrottyq Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir