• USD 468.56

  • EUR 497.56

  • RUB 7.3

  • CNY 67.18

31 Qańtar, 21:50:11
Almaty
-3°
Kassalyq túsim boıynsha álemde eń kóp tabys jınap, Oskar syılyǵynyń 3 atalymyn jeńip alǵan fılmniń araǵa 13 jyl salyp "Avatar: Sý joly" atty ekinshi bólimi kórermenge jol tartty. Kınotýyndy qazaq tilinde de kórýge bolady.
 
Búgin Almatyda fılmniń qazaqsha 30-dan astam seansy, Astanada 9 seansy kórsetiledi dep josparlanǵan. Bul – oryssha seanstarǵa qaraǵanda ondaǵan esege az.
 
Qazaq tiliniń qoldanysyn arttyrýdy kózdeıtin Instagram-daǵy Qazaq grammar jobasy qazaqsha seanstardy kóbeıtýge kórermen suranysy yqpal ete alatynyn aıtyp, kópshilikti fılmdi qazaqsha kórýge, sol arqyly qazaq seanstaryna baratyndar kóp ekenin kórsetýge shaqyrady.
 
"Qazaq kórermeni osy premerany paıdalanyp, dýblıaj naryǵyna yqpal ete alamyz. Iаǵnı másele mynadaı: qazaqsha dýblıajǵa kóp jaǵdaıda adam az barady eken-mys. Kınoteatr – jekemenshik kásip bolǵandyqtan, seanstarynyń ýaqytyn suranysqa qaraı qoıady. Sondyqtan kórsetilimniń qazaqsha nusqasyna barynsha kóbimiz barýymyz kerek. Qazaqshaǵa suranys kóp bolsa, "syılasqannyń sýyn ish" dep, kınoteatr da bárin kórermenge qaraı yńǵaılastyrady. Kınoprokatta birinshi apta asa mańyzdy, onyń nátıjesine qarap, ekinshi aptanyń kestesin jasaıdy. Birinshi aptada bárimiz: otbasy, bala-shaǵa, kórshi-qolań,aýyl-aımaq bolyp "Avatar: Sý joly" fılminiń qazaqsha seanstaryna toıǵa barǵandaı jappaı aǵylyp baraıyq", delingen Qazaq grammar paraqshasyndaǵy úndeýde.
 
Bastamany qoldap jazba astyna júzdegen pikir jazylsa, jazbanyń ózi 7 myńǵa jýyq laık jınaǵan.
 
 
Qazaqstanda qazaqsha dýblıajdaǵy Gollıvýd fılmderi yńǵaısyz ýaqytqa qoıylatyn nemese qazaqsha seans orysshaǵa aýystyrylatyn jaǵdaı jıi kezdesedi. Kınoteatrlar muny qazaqsha seansqa adam az keletinimen túsindiredi. Alaıda bul – qazaqsha fılmderge kórermen barmaıdy degendi bildirmeıdi. Máselen, sońǵy bir jylda taza qazaqsha túsirilgen "Qazaqsha bıznes Túrkııada", "Djohan" fılmderine kórermen kóp baryp, kınotýyndylar kassalyq túsim boıynsha kóshbasshylar qataryna engen.
"Qamshy" silteıdi
Ilmek sózder: Avatar: Sý joly

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir