Elordada 110 oryndyq stýdentter úıi paıdalanýǵa berildi

Táýelsizdik kúni qarsańynda elordada 110 oryndyq stýdentter úıi paıdalanýǵa berildi. Astanadaǵy  menedjment, bıznes jáne bilim kolledji óz stýdentterin jataqhanamen qamtamasyz etti, dep habarlady elorda ákimdiginiń resmı saıty.

Stýdentter úıi Memleket basshysynyń tapsyrmasyna sáıkes memlekettik-jekemenshik áriptestiktiń negizinde júzege asqan. Jeke menshik oqý orny  ǵımaratty óz qarajaty esebinen salǵan. Endi onyń shyǵyndaryn memleket ótep beredi. Astanaǵa arman qýyp kelgen jastyń biri Oljas Tokýsh. Ol menedjment, bıznes jáne bilim kolledjiniń ekinshi kýrs stýdenti. Jańa jataqhanaǵa ornalasqaly, sabaqqa ýaqytyly baryp keletinin aıtady.

О́ıtkeni stýdentter úıi oqý ordasynyń aýmaǵynda ornalasqan.  Oljas Tokýsh, stýdent - Kolledj bizge barlyq yńǵaı jasady. Mynandaı jataqhana saldyryp ornalastyq. Jıhaz bári jańa, as úıdegi bári jańa alynǵan. Tárbıeshi de jaqsy adam, tez tál tabysyp kettik. 

Jańa jataqhananyń ishinde stýdentterge barlyq jaǵdaı jasalǵan. Tósek-oryn, ydys-aıaqtyń bári jańa. Ishinde demalys bólmesi, as úı, sport zaly, medısınalyq pýnkt te bar. Shákirtterdiń qaýipsizdigi úshin beınebaqylaý júıesi ornatylǵan. 

Qasymhan Senǵazyev, qalalyq bilim basqarmasynyń basshysy:

– Bul kolledj jeke menshik. Bizdi qýantatyny bul osy kolledjdiń ózi salyp jatqan jataqhanasy. Buǵan deıin bul kolledjde jataqhana bolǵan joq. Jalǵa alyp, hostelderde balalar turyp jattyr. Kolledjdiń terrıtorııasynda ornalasqan. Ol da jaqsy. Osy jerden shyǵyp sabaqtaryna bara beredi.   Jalpy Astanada 34 kolledj bar. Onda 32 myńǵa jýyq stýdent bilim alady. Al jataqhana máselesi áli de ózekti. О́ıtkeni qazir bir myńnan astam kolledj stýdenti jataqhanaǵa muqtaj. Jergilikti bılik bul máseleniń jaqynda sheshimin tabatynyn aıtady.