"О́z tilimizde sóılegenimiz úshin jazyqty boldyq". Qazaq tili tóńireginde taǵy shý shyqty

Bloger Quralaı Raısova kıim satatyn ZARA saýda jelisinde qazaq tilinde qyzmet kórsetýdi suraǵany úshin dúken qyzmetkerleri ózin qýyp shyqpaq bolǵanyn habarlady.

"Namysym jer, jigerim qum boldy. Dostyq plaza saýda úıindegi Zara dúkeniniń balalar bóliminde qazaqsha jaýap suraǵanymyz úshin, óz jerimizde óz tilimizde sóılegenimiz úshin jazyqty boldyq. Káris balany qazaq eken dep, "qazaqsha aıta ber" dep qaldyq, áńgime sodan bastaldy. "Mne ýdobno na rýsskom" deıdi álgi jigit. "Endi bizge qazaqsha yńǵaıly, siz túsinip tursyz ǵoı, aıta salmaısyz ba, qansha boldy?" desek, "MNE TAK ÝDOBNO" deıdi. Onda til biletin adamdy shaqyr dedik. Sol jerdiń admınıstratory myna qyz eken, ol kep ózimizge tap berdi. "Nege qazaqsha jaýap ber dep suraısyzdar. Ol basqa ult ókili, biz mejdýnarodnaıa kompanııamyz. Sotrýdnıkterimiz qaı tilde sóıleýdi ózi biledi", dep aıtty. Sonda ol jerge eshqandaı haqy joq, daýysy joq, qalaýy joq qazaqsha sóıleıtin klıentter keledi eken", dedi Quralaı Raısova Instagram jelisinde. 

Artynsha daýǵa dúken ákimshiliginiń qyzmetkeri aralasyp, "basqa ult, qazaqsha bilmeıdi" dep qyzmetkerin qorǵaǵan.

"О́zińnen úlkenirek bastyq bar ma, aınalaıyn, dep edik, endi ohrannıkter keldi. Olarǵa da "emý ýdobno na rýsskom" dep qarap tur. Tipti dúkende qazaqsha sóıleı almasaq, qaıda baryp sóıleımiz? Qashan sóılemiz? Tek ot basy, oshaq qasynda ma? Búıte bersek, qazaq tili "kedeıler tili", "domashnıı tápishke" degen mazaqtan qashan qutylady?!  Eń jamany, bizdiń quqymyzdy qorǵaıtyn, sózimizdi sóıleıtin eshkim joǵyn túsinip, ózimizdi jetim sezinip shyqtyq...", deıdi bloger.

Quralaı Raısova sondaı-aq dúken qyzmetkerleriniń biri "Vyprovodıte ıh" dep ózderin dúkennen qýyp shyqpaq bolǵanyn, onyń sol áreketine narazylyq retinde dóreki formada jaýap bergenin aıtady.

"Vıdeo sońynda "JAP AÝZYŃDY" dep hormen aıqaılaǵanymyz – qyzǵa emes, sol káris jigitke, "Vyprovodıte ıh!" degenine solaı jaýap berdik. О́zi bizdiń tildi mensinbeýimen qoımaı, qýyp salmaqshy. Shańyraqqa qaraıyn dep turǵan joq, óz úıimizden ózimizdi qýyp salǵaly tur ǵoı. Sondyqtan, ol qaı tilde sóılese, sol tilde jaýap berildi. Meniń tilimdi qurmettemegen adamǵa syzylyp mádenıet saqtar jaıym joq eken. Osy vıdeony bólisińizdershi, bálkim únimiz jeter, bálkim qazaq aýdıtorııasynan keshirim surar..." dep jazdy bloger.

Buǵan deıin Chocofamily basshysy Ramıl Mýhorıapovtyń reseıliktermen kezdesý kezinde qazaqsha bilmeıtin ózge ult ókilderine oryssha bile tura qazaq tilinde jaýap berý mádenıetsizdik ekenin aıtqan sózderi daý týdyrǵan bolatyn. Keıin qazaqstandyqtardyń kóbi Chocofamily ónimderine baıkot jarııalap, onyń ústinen Bas prokýratýraǵa depýtattar, jekelegen azamattar aryzdanǵan. Ramıl Mýhorıapov bolsa, áleýmettik jeli arqyly kópshilikten keshirim surap, artyq ketkenin moıyndaǵan edi. 

 

 

 

Posmotret etý pýblıkasııý v Instagram

 

 

 

Pýblıkasııa ot Quralaı Baýyrjanqyzy Raısova PRODIýSER STRATEG SMM (@shuakh)