• USD 468.56

  • EUR 497.56

  • RUB 7.3

  • CNY 67.18

03 Aqpan, 11:59:43
Almaty
+3°

Iranda mıtıngke qatysqan azamat alǵash ret ólim jazasyna kesildi. Oǵan narazylyq kezinde bılik ókiline shabýyl jasady degen aıyp taǵylǵan, dep jazady jergilikti Iran International saıty.

Basylymnyń habarlaýynsha, Mohsen Shekarı esimdi azamat qaýipsizdik qyzmetin pyshaqtap óltirgeni úshin darǵa asylǵan. Sottalýshy Tegerandaǵy kólik qozǵalysyn toqtatyp, narazylyqqa qatysqan. 

Resmı málimetke saı, Iran soty "Basıj" Islam revolıýsııasy saqshylar korpýsynyń qyzmetkerin óltirdi dep aıyptalǵan 5 azamatqa ólim jazasyn kesken. Al Amnesty International uıymy mıtıngke qatysqan 21 adamnyń ólim jazasyna kesilgenin habarlady. Tipti, keı quqyq qorǵaýshylar ólim jazasyna kesilgenderdiń sany 80-ge jýyq ekenin aıtady. 

5 jeltoqsanda Islam revolıýsııasy saqshylar korpýsy ırandyq sýdıalardy "Qudaıǵa qarsy shyqqandarǵa" qatysty tez ári batyl sheshim shyǵarýǵa shaqyrǵan. 

Irandaǵy narazylyqtar bastalǵannan beri qaýipsizdik kúshteri 500-ge jýyq adamdy óltirip, 18 myń adam ártúrli merzimge qamaýǵa alynǵan.

"Qamshy" silteıdi
Ilmek sózder: Iran ólim jazasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir