• USD 468.56

  • EUR 497.56

  • RUB 7.3

  • CNY 67.18

29 Naýryz, 13:39:25
Almaty
+35°
О́zbekstan energetıka mınıstri Reseıdiń gaz odaǵyn qurý týraly usynysyn ótkir synap, Tashkent ulttyq múddege qater tóndiretin saıası jaǵdaıǵa kelispeıtinin málim etti, dep jazady Reuters.com agenttigi.

Basylym Reseı ótken aıda gazdy úshinshi elderge, sonyń ishinde Qytaıǵa jetkizýdi qoldaý maqsatynda Qazaqstan jáne О́zbekstanmen gaz odaǵyn qurýdy talqylap jatqanyn habarlaǵanyn atap ótken.

О́zbek mınıstri Jorabek Myrzamahmudov О́zbekstanǵa ázirge usynys túspegenin, tipti Reseımen gazǵa baılanysty kelisim jasalǵanymen, ol odaq degendi bildirmeıtinin aıtty.

"Eger biz ózge elderden gazdy ımporttasaq, ol tek satý-satyp alý kommersııalyq kelisim-sharty aıasynda seriktestik quramyz. Gazdy saıası sharttarǵa aıyrbastamaımyz. Qysqasy, gaz kelisim-sharty soǵan keliskende ǵana qabyldaımyz, olaı bolmaǵan jaǵdaıda bas tartamyz" dedi mınıstr.

Reuters О́zbekstannyń Reseı usynysyna salqyn qaraýy Máskeýdiń burynǵy odaqtas respýblıkalarǵa sózin ótkizýde qıyndyq týyp jatqanyn kórsetedi dep sanaıdy.

Reseı tarapy joǵaryda atalǵan usynysty 28 qarasha kúni prezıdent Qasym-Jomart Toqaevtyń Reseıge sapary barysynda jasaǵan. Ony Reseı prezıdenti Vladımır Pýtın ózi aıtqan. Qazaqstan máseleni zerdeleıtinin jetkizgen.

Qazaqstan men О́zbekstan Reseıdiń Ýkraınaǵa basqynshylyǵyn resmı deńgeıde qoldamaıdy da, aıyptamaıdy da. Keı sarapshylar, mundaı beıtaraptyqty Máskeýden alshaqtaýdy bildiretinin, Reseıdiń saıası yqpaly men ekonomıkalyq ústemdigi alshaqtyqty ashyq kórsetýge múmkindik bermeıtinin aıtady. Alaıda jýyrdaǵy prezıdent bolyp saılanǵan Q.Toqaev ant qabyldaý rásiminen keıin birden Reseıge saparmen baryp keldi.

"Qamshy" silteıdi
Ilmek sózder: Gaz odaǵy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir