"Qazaqstannan ushyrylǵan ýkraınalyq pılotsyz apparat Reseıge shabýyl jasady": Mınıstrlik aqparatty teristedi

Reseılik BAQ-ta Qazaqstan aýmaǵynan Ýkraına qarýly kúshterine tıesili pılotsyz ushatyn apparat (UUA) ushyrylǵany týraly aqparat jarııalandy. Materıalda reseılik aerodromdarǵa shabýyl jasalǵany týraly jazylǵan. QR Qorǵanys mınıstrligi aqparatqa qatysty pikir bildirdi, dep jazady stopfake.kz portaly.

Vedomstvonyń habarlaýynsha, resılik BAQ-ta taralǵan aqparat – jalǵan.

"Moskovskıı Komsomoles" portalynda jarııalanǵan Qazaqstannan reseılik áýeaılaqtarǵa UUA ushyrylǵany týraly málimdemeler shyndyqqa janaspaıdy. Sonymen qatar, bul UUA-lar QR Qarýly Kúshterinde múldem bolmaǵan", – dep málimdedi mınıstrlik ókilderi.