• USD 468.56

  • EUR 497.56

  • RUB 7.3

  • CNY 67.18

03 Aqpan, 10:58:15
Almaty
+3°

Májilis Tóraǵasy Erlan Qoshanov bastaǵan Qazaqstannyń parlamenttik delegasııasy Ujymdyq qaýipsizdik sharty uıymy Parlamenttik Assambleıasynyń kezekti otyrysyna qatysý úshin Máskeýge jumys saparymen bardy.

Keńestiń birlesken otyrysyna jáne UQShU PA XV plenarlyq otyrysyna qatysýshylar Armenııa Respýblıkasynyń 2021-2022 jyldardaǵy Uıymǵa tóraǵalyǵynyń qorytyndylary men Belarýs Respýblıkasynyń aldaǵy tóraǵalyǵy kezindegi basymdyqtary týraly aqparatty tyńdady.

Májilis spıkeri óz sózinde óńirde turaqtylyq pen qaýipsizdikke nuqsan keltiretin túrli qaýip-qaterler men qaqtyǵystardyń ózekti bolyp otyrǵanyna nazar aýdardy. Mundaı jaǵdaılarda ashyq dıalogtyń mańyzdylyǵyn Qazaqstan Prezıdenti talaı márte atap ótken bolatyn. E.Qoshanovtyń aıtýynsha, osy tusta UQShU elderi parlamentterine úlken jaýapkershilik júktelip otyr.

Sýretti túsirgen A. Jumaǵulov

Otyrys barysynda Májilis Tóraǵasy Uıymǵa múshe elderdiń terrorızmmen kúres salasyndaǵy ulttyq zańnamalaryn úılestirýge múmkindik beretin Ujymdyq qaýipsizdik sharty uıymynyń «Terrorızmge qarsy is-qımyl týraly» jańa modeldik zańyn ázirleýdi usyndy.

– Terrorızm qaýipsizdik pen turaqtylyqqa úlken qaýip tóndiredi. Ol zańsyz kóshi-qonnyń, transshekaralyq qylmystyń, zańsyz qarý-jaraq pen esirtki tasymalynyń artýyna yqpal etedi. Bizge osy syn-qaterlerge birlesip qarsy turýdyń naqty quqyqtyq tetikterin qalyptastyratyn UQShU elderiniń modeldik zańnamasynyń sapaly bazasyn qamtamasyz etý kerek, – dedi E.Qoshanov.

Sýretti túsirgen A. Jumaǵulov

Otyrysta Uıymǵa múshe memleketterdiń ulttyq zańnamasyn jaqyndastyrý jáne úılestirý boıynsha UQShU PA-nyń qoldanystaǵy is-sharalar baǵdarlamasyn iske asyrý aıasynda birqatar modeldik quqyqtyq akti qabyldandy.

Sonyń ishinde otyn-energetıkalyq keshen obektilerinde terrorızmge qarsy is-qımyl, halyqaralyq terrorızmniń UQShU elderine enýi múmkin arnalarǵa tosqaýyl qoıý, UQShU modeldik aktilerin qabyldaý úshin ázirleýdiń jáne daıyndaýdyń ádistemelik negizderin jetildirý boıynsha usynymdar bar.

Sýretti túsirgen A. Jumaǵulov

Sonymen qatar otyrystyń kún tártibindegi máselelerdiń biri  bıylǵy 20 qarashada ótken Qazaqstandaǵy prezıdenttik saılaýdy baqylaýǵa qatysqan UQShU Parlamenttik Assambleıasy monıtorıngtik tobynyń qorytyndylary týraly boldy. UQShU PA mıssııasynyń qorytyndysyna sáıkes, saılaý halyqaralyq normalar men ulttyq zańnamaǵa tolyǵymen sáıkes ótti.

Sýretti túsirgen A. Jumaǵulov

Aıta ketý kerek, UQShU PA quramyna Armenııa, Belarýs, Qazaqstan, Qyrǵyzstan, Reseı jáne Tájikstan parlamentteriniń ókilderi kiredi. Onda áleýmettik-ekonomıkalyq jáne quqyqtyq máseleler, saıası máseleler jáne halyqaralyq yntymaqtastyq, qorǵanys jáne qaýipsizdik máseleleri boıynsha úsh turaqty komıssııa jumys isteıdi.

Májilistiń baspasóz qyzmeti

 

"Qamshy" silteıdi
Ilmek sózder: Májilis

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir