• USD 468.56

  • EUR 497.56

  • RUB 7.3

  • CNY 67.18

03 Aqpan, 10:55:01
Almaty
+3°

Mońǵolııanyń Ulan Batyr qalasynda halyq narazylyqqa shyqty. Halyq tolqýyna sheneýnikterdiń iri kólemde urlanǵan kómirdi Qytaıǵa satylymǵa shyǵarýy sebep bolǵan, dep jazady informburo.kz portaly.

Mońǵolııadaǵy AQSh elshiliginiń resmı habarlamasy boıynsha, narazy halyq 4 jeltoqsanda Sýhe-Batyr alańyna jınalǵan. Olardy Úkimet úıine qaraı bara jatqan kezde polıseıler toqtatqan. 5 jeltoqsanda halyq qaıtadan jınala bastaǵan. 

"Búgin qala ortalyǵyna halyq kóp jınalyp, polısııanyń qatysady, kólik qozǵalysy buzylady dep kútilip otyr. Kópshilik jerge barmaı, óz qaýipsizdigińiz úshin saqtanyp júrińiz", dep jazylǵan AQSh elshiliginiń habarlamasynda. 

Facebook áleýmettik jelisinde halyqtyń Úkimet úıin basyp alyp jatqan sátiniń vıdeosy jarııalandy. 

Centralasia.media saıtynyń habarlaýynsha, narazy halyq Qytaıǵa satylǵan kómirdiń kóp bóligi urlanǵan dep otyr. 44 trıllıon týgrık nemese 12,9 mıllıard dollar kóleminde zalal kelgenin aıtqan halyq bul urlyqqa qatysy bar mońǵol saıasatkerleriniń aty-jónin ataýdy talap etip otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir