• USD 468.56

  • EUR 497.56

  • RUB 7.3

  • CNY 67.18

03 Aqpan, 12:11:18
Almaty
+3°

Foto: «OrdaGen» áleýmettik-tanymdyq jobasynyń baspasóz qyzmeti

Almatyda «OrdaGen» áleýmettik-tanymdyq jobasynyń «Onyń aty – Aıbar» atty mýlthıkaıasynyń jabyq kórsetilimi ótti.

“Onyń aty – Aıbar” 2 D men 3D formatynda túsirilgen elimizdegi tuńǵysh mýltserıal. Serıal OrdaGen jobasynyń YouTube arnasynda balalarǵa tegin taratylady.  

Balalarǵa arnalǵan bul joba 10 serıaldan turady. Uzaqtyǵy – 5-7 mınýt. Basty keıipkeri – Aıbar atty qasqyr. Ol óziniń Shymyr, Momyn, Barys, Erke syndy dostarymen birge túrli oqıǵany basynan keshiredi. Avtorlar ár serıalda oqıǵany qyzyq etýmen qatar, qundy aqparat jetkizýge tyrysqan. Máselen bir bóliminde shahmat oıyny týraly málimet berilse, endi bir serııasynda qaǵazdan ushaq jasaýdy úıretedi.

Atalmysh týyndynyń ıdeıa avtory – Aıbek Qýatbaı. Al joba jetekshisi – Parasat Tanen. Mýltserıalǵa rejısserlik etken – jas anımator-rejısser Dıdar Nurlaev. Al ssenarııin Shyńǵyshan Ermahan jáne Senbek Rýslan atty jas qalamgerler jazǵan.

«OrdaGen» áleýmettik-tanymdyq jobasynyń baspasóz qyzmeti

Mýlthıkaıa jasaý – qyzyǵy men qıyndyǵy qatar júretin prosess. Kórermen nazaryna usyný úshin birneshe kezeńnen ótetinin bireý bilse, bireý bilmes. Atalmysh týyndynyń rejısseri Dıdar Nurlaev osy jaıynda aıtyp berdi.

Bul mýlthıkaıa – 2 d men 3 d formattarynyń birikken túri. Komandadaǵy bas anımatorymyz Rýslan keıipkerlerdi 2 d formatta jasap shyǵardy. Al 3 d sýretshimiz Madı qorshaǵan ortany 3 d túrde istedi. Osy 2 d men 3 d atty eki álemdi aralastyrǵannyń arqasynda kombo stıl daıyn boldy. Sońǵy ýaqytta muny shetel anımatorlary jıi qoldanyp júr. 2 d keıipkerlerdiń beınesin Jansara dızaıner aldyn ala jasap aldy. Ol janynan, aldynan, artynan qaraǵandaǵy túr-álpetin salyp shyqty. Boıyn da ólshedi. Sondaı-aq árbir is-qımylyn, emosııasyn, mımıkasyn syzba túrinde daıyndap qoıdy. Keıin Rýslan ózine kerek beıneni alyp, qozǵalysqa túsirdi. Ol Moho degen baǵdarlamada Jansaıa salǵan sýretterge jan bitirdi. Sodan soń daıyn bolǵan anımasııany Blender atty baǵdarlamaǵa kóshirdik, – dedi ol.

«OrdaGen» áleýmettik-tanymdyq jobasynyń baspasóz qyzmeti

Joba jetekshisi Parasat Tanen buǵan deıin de balalarǵa arnalǵan kontent barysynda jumys atqarǵan. Ol OrdaGen jobasy aıasynda «Orda ertegileri» kitabyn shyǵardy. Sondaı-aq 1000-ǵa jýyq ertegini qamtyǵan OrdaGen mobıldi qosymshasyn usyndy. Endi balalar aýdıtorııasyn mýltserıalmen qýantyp otyr. Ol bul mýltserıal tilimizdiń aıasyn keńeıtýge baǵyttalǵanyn atap ótti.

Keıbir týǵan-týystarym men dostarymnyń balalarynyń tili qazaq tilinde durys shyqpady. О́ıtkeni kóretinderi – ózge eldiń anımasııalyq ónimderi. О́zim de áke bolǵandyqtan, balalarymnyń bolashaǵy úshin ýaıymdaımyn. Alǵash Aıbek Qýatbaıdan mýltfılm túsirý jaıly ıdeıa kelgende, erekshe qýandym. Tez arada komanda jasaqtap, jumysqa kirisip kettik, – deıdi ol.

«OrdaGen» áleýmettik-tanymdyq jobasynyń baspasóz qyzmeti

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir